ehe... lama uda nda kana upodate. tu si yan pun komplen uda... okaylah... tidak banyak juga yang sia dapat update ni ari... sia pinya komputer dinosour hangkangbah. sia blum ada dana untuk mo beli pc baru lai. nantilah kalau ada duit. akculi ni pc ni lama uda bah. kalau nda silap mo dekat 10 years uda. bayang kan teknologi pc pada tahun 1998? ekekeke.. pathetickan. tapi ni pc banyak jasa dia sama sia. pc dinosour ni lah yang buat sia dapat A untuk hampir smua subject programming sia. pc dinosour ni juga yang tulung sia rekod satu lagu sia untuk penyanyi sia si Mary. Nga lkali sampai uda dia pinya jangkahayat uda sampai. ni pc banyak juga duit sia abislah untuk repair, tambah stuff... dei banyak lai lah yang sia uda buat. tapi kalau uda sampai masa dia, mimang hangkang juga lah...
lai pun ni pc ni slow tahap kura-kura sakit. apabuli buat...

Bah oitu ja serita ni ari.. nanti kalau ada sia tambah lai lah..

"A great shoe can win a day for you!!" Ni bukan sia punya
statement, but a statement from Chief Editor of Cosmopolitan, Kate White! Yakah?
For all this while, sia a bit heran dengan kebanyakan sumandaks yang mesti ada
banyak kasut. kalau tinguk dalam derang pinya almari kasut, macam kedai kasut ja
nampak. Tapi menurut ni urang (Kate White) dan kebanyakan urang, Aura or
infatuation (apa maksud nie). Ada aura kah? I keep on asking to myself, kenapa
women, especially yang young and gemar dengan fesyen, perlu ada banyak kasut?
Macam nda cukup dengan satu atau dua pasang kasut ja. Tu baru bilang kasut, blum
masuk sandal. adui...

Sia mo tau juga, kenapa hi-heel ni istimewa sama sumandaks? Sia rasa only
women could answer that. Sebab sia nda pandai paham juga. Ramai yang mengakui,
bila derang (women) pakai hi-heel, kunu-kunu buli mencetuskan rasa seksi secara
semulajadi. WHAT??? Kunu bila derang berdiri and berjalan tu rasa seksi
semulajadi timbul. Sia tinguk kadang-kadang seksa ja derang jalan tu. Ada yang
komplen sakit kakilah, sakit lututlah, sakit ankle lah. Sia nda nampak mana
seksi dia. Mungkin pasal derang "tepaksa" berjalan perlahan-lahan,
buat derang nampak seksi, ayu and segala-galanyala. Derang nampak tinggi,
walaupun derang sebenarnya rendah. Okaylah

Sia nda pernah anti or protes women yang suka pakai hi-heel nie. Sia cuma
owez tertanya dalam fikiran sia, nda terseksa kah derang terpaksa kontrol kalau
bejalan? Mistilabah mo controlkan. mana tau, sambil jalan pakai tu kasut
hi-heel, tepelecetkah, tepeleot kah, malu juga. Seksi-seksi sekali nakahandai.
adeh... mira muka! Ahaks. Seksa yang timbul ni sia rasa buka saja dikalangan si
pemakai, women tapi juga urang disekeliling dia. Sia pernah kana injak pakai tu
hi-heel, infact baru-baru nie and mimang parah. Mula-mula nda sakit, sekali bila
malam, dei, pinya sakit. Bengkak, biru hitam lai. At one point, mo bejalan pun
susah. Dei... Mo marah pun nda buli, pasal macam mana ko marah pun, kasut
hi-heel ni mimang uda kana sebati dalam naluri seorang perempuan. Macam uda kana
blend. Bah mimang pun. Kasut hi-heel ni direka khas untuk urang perempuan.Tapi
ada juga "lelaki" yang pakai tu. Sia tau! Satu ja sia mo tau. Sepa
bah pencipta hi-heel nie? apa tujuan dia cipta, at the first place?

As i say earlier, sia ndada masalah dengan women yang pakai hi-heel. Same
goes to my koupusan. Dia mimang suka pakai hi-heel. Sebab dia, kena tanya dia
sindri. Wekekekekeke... tapi mimang siksa lah. Wakakakaka... Apapun kepada
sumandaks-sumandaks yang baru mo venture dalam bidang pemakaian hi-heel ni,
pandai-pandailah pilih yang sesuai dengan stail dan fesyen kamurang. Sia ni
minang nda tau apa-apa tentang hi-heel ni. Dalam pikiran sia, mo gergaji ja heel
dia tu... Wekekekekeke. Jan kerana dia nampak cantik, trus mo bili. Tinguk juga
tempat kegunaan dia. Takan mo pigi pasar mo pakai hi-heel yang melampau-lampau
tinggi dia. Tu mo kana umban pakai ikan basung tu.

KaDuS Bilang:

Selalu sia nampak di TV yang hi-heel patah bila temasuk di sono penutup
manhole yang uda retak atau petutup parit yang diperbuat dari bisi tu. Wakakaka...
PAtah! Adeh... kalau tekana yang mahal? Ndakan rugi? pandai-pandailah kamurang
kio... WAKAKAKAKAKAKAKAKAKAKA!!!!

(mimang kana katuk sia ni pakai hi-heel)

Read story first!!!
An Australian sheep farmer was puzzled

at the disappearance of sheep on his farm.
After a few weeks of sheep disappearing

the farmer decided to put up an electric

fence. This is what he found! .





KaDuS Bilang:
Cara paling best untuk mo tangkap Lopung. Kalau ada lai threat Lopung di uma, sia rasa, sia mo pakai method begini untuk mo tangkap dia. Tapi besar juga ni lopung tau. macam baru lepas talan binatang. bikin seram juga lah... minta-mintalah sia nda jumpa lai binatang macam nie... wekekekeke... bah kalau mo selamat dari Lopung dan binatang yang sama waktu dengannya, pasanglah pagar letrik... yang ada letrik... tekaras trus... wekekekeke... Bah enjoy!!!

Sia baca newspaper tadi, baru tadi. sia tinguk frontpage ni Daily Express. Ada injured slowloris/kongkang or lebih pemes kana panggil tondoyutung. Kana jumpa kunu di bawa krita seorang Engineer (kali tu). Di salah sebuah resort. Sia lupa di mana. Yang menjadi tanda tanya tu, macam mana tu tondoyutung buli berada di kawasan bandar,m sedangkan ni binatang ni idup dalam utan, and teda sepa dibenarkan untuk pelihara dia. Ada lai Tag di kaki dia.

Apa yang sia baca n sia sempat ingat is, spokeperson yang pigi tinguk tu tonduyutung ada cakap yang dia nda tau ni binatang (tondoyutung) tu buli idup lama sebab mengalami kecederaan yang agak teruk. Ribs pun patah. Tapi yang lebih bikin heran, macamna ni binatang buli sampai dibandar?

Kali adala manusia yang nda bertanggungjawap pigi bawa tu binatang untuk tujuan dijualkah apakah. Macam mana buli ada tag juga? Tondoyutung ni adalah salah satu binatang yang menjadi fevret sia. Sia mimang sedih kalau dengar kejadian macam ni. Kalaupun mo kaya, bukan lah dengan cara macam tu begia. Banyak cara. Mustahil ni tondoyutung buli sasat samapi kawasan bandar. Macam mana juga dia buli sampai dibandar? takan dia naik bas? takan bergayut dari pukuk ke pukuk? adeh... kali dia ikut belakang lori?

Kalau ni binatang ada urang bawa pigi bandar, Sia TOTTALY kondem dia pinya act! Dia SELFISH!!!




Gambar ini sekadar hiasan kio
tingu, betapa amannya ni tondoyutung!

Time Konsert Sabah Fantasia Tour lai nie sia terpikir pasal nie lagu. Sebab sepanjang time konsert tu si Felix nyanyi saja tu lagu. Sebenarnya lama uda juga sia dingar, nga sia susah saja mo paham erti dia. Trus, bila sia dingar c Felix nyanyi, sia rasa macam ada aura dia. Siti nyanyi, okaylah, tapi sia Prefer Felix yang bawa. Faizal AF4, sia nda tau bila dia bawa ni lagu.

Then sia kana panggil untuk perform di satu function yang kici-kici saja. Sia nyanyi lagu Dusun. lama-lama sia pikirkan, takan sia pinya skop hanya lagu-lagu kadus saja? kenapa sia nda mo kasi luas sia pinya skop and try bawa lagu melayu or english? bukannya sia nda pernah bawa lagu malay and english before, tapi smua tu unofficial function. Sia pun mo test setakat mana kemampuan sia, nyanyi lagu malay or english di official function.

Kalau bilang dari segi vokal, sia sedar yang sia masi banyak mo improve. Buli tanya gogds, sumandak and Yan, derang yang (kalau nda silap sa) pena dangar sia nyanyi. Mimang truk, tapi ndatau kenapa sia trus dapat undangan untuk mo nyanyi? Kali derang kehabisan penyanyi uda. antamlah. Sia nda pasti apa function, tapi tadi sia kana SMS suru prform lai. Peluang sia untuk mo try nyanyi lagu melayu or english ada uda. Yeah! Tapi apa lagu yang sia mo bawa ah?

Bila sia pikir², sia mo try bawa lagu ni, Dealova by Once and Kenangan Bersama by Samsons. Mungkinlah. Sia mo try prektis, tapi kalau nda juga buli, lagu Dusunlah... apa buli buat!
Bagi sia, dua lagu ni mimang mencabar dari segi vocal. Lagu Dealova, perlu stamina yang bagus. Lagu Kenangan Terindah pla perlu falsetto. bilang si bro tampasak, lagu ni mimang susah and sepa yang dapat bawa tanpa falsetto, cun tu urang! Sia admit, mimang nda buli... kuyaklah sia nie nanti.
Ahaks... tapi yang sia betul² mo try is tu Dealova! Wish me Luck!

Bah, sia out luks... update taraat jak kunu nie..

Lirik Lagu Dealova

aku ingin menjadi mimpi indah dalam tidurmu
aku ingin menjadi sesuatu yg mungkin bisa kau rindu
karena langkah merapuh tanpa dirimu
oh karena hati tlah letih

aku ingin menjadi sesuatu yg selalu bisa kau sentuh
aku ingin kau tahu bahwa ku selalu memujamu
tanpamu sepinya waktu merantai hati
oh bayangmu seakan-akan

reff: kau seperti nyanyian dalam hatiku
yg memanggil rinduku padamu
seperti udara yg kuhela kau selalu ada

hanya dirimu yg bisa membuatku tenang
tanpa dirimu aku merasa hilang
dan sepi, dan sepi

repeat reff [2x]

selalu ada, kau selalu ada
selalu ada, kau selalu ada

(Lagu dia ada di Radio Blog)

ni emel jajal yang sia dapat, tapi kiut... wekekekeke...

How to save a papaya from falling

A farmer has a papaya tree at home that bears a lot of fruit. But everytime the papayas are ripe, they fall to the ground and are damaged.

Do you know how he save papayas from falling? Smart??...Able to recycle too !!



Ni satu idea yang bagus... selain itu, dia sentiasa buli di kitar semula... wakakakakaa... adeh... Ia akan menjamin kualiti buah papaya yang baik. Sia rasakan buah yang paling ngam untuk buat teknik begini ialah buah bambangan. Tapikan pokok bambangan tu tinggi bah... susah mo panjat. Tidak pa...

P/S: Jan marah... sekadar gurauan... (kenapa pink kaler ah???)