Yo! ahaks... Okay... guys... Sia uda update page Bontugan Sinding (SABAH VFM) bagi peminat lagu² Dusun. At last Reno Rodney Fabianus (KDM Idol Winner) jadi Juara dengan lagu Milangad-langad toh. Kindda like that song. Beautiful Song Akculi. Okay... Next For KaDuS Entertaiment page, sia uda update untuk Derek (visitor yang request penyanyi jemputan Album Atama) dan ATAMA latest Activities including The long Awaited Album, My Tribal Roots! So lawat dan lawatlah... Trima kasih banyak²!

By The way, jan Lupa AFUNDI FELIX! Tatap Bah! Susah² Ja kamu nie... ahaks..
TQ lagi!!!

Nah... ni lah interest terbaru sia... nda dapat di bendung lai... sanggup sia tidur sampai jam 4 pagi semata² motinguk di Astro ja. Apa yang sia minat ni?? Bukan AF tapi EGYPTHOLOGIST! akculi dari dulu lai sia minat sal ni topic ni.... tapi baru skrg sia dapat chance untuk mo belajar lebih mendalam lai... Slama sia tinguk di Astro, banyak yang sia dapat tau... Especially misteri kematian Firaun Tutankhamen atau King Tut! Sia nda tau eja full name dia... Dia ni raja muda Mesir yang kematiannya menjadi misteri sampai sekarang.

King Tut punya Mask! kira macam ada muka dia jugalah...


Daripada hasil research sia... (nda pasti betul kah tia)

• Dia adalah Pharaoh yang termuda pernah dicatatkan dalam sejarah Mesir(Egypt). He became King as early as Nine(9) years old
• Secara misteri meninggal pada usia 18 tahun.
• Sampai sekarang masih urang debate sal punca kematiannya. Yang tercatat, pasal kana Curse...
• Orang yang jumpa Tomb King Tut ni ialah William Carter. Penaja dia ialah Lord Carnavan. Tapi derang ni penyamun juga... ada sikit harta karun King Tut yang derang curi...

Part yang paling sia suka.... Mummy! Nilah Mummy King Tut yang akan di Scan menggunakan teknologi CT Scan. Nda tau apa maksud dia... tapi derang mo determined macammana King Tut mati... yang lelaki bediri tu DR. Zahi Hawas, Pengarah Barang² Antik Egypt... Bertanggungjawap mendapatkan semula Mummy Ramses 3 di Niagara Fall Museum. Kira Egypt Hero juga dia nie...

Nantilah sia tambah lai... info... sia study lu salnie... Siok nie... Masi banyak Pharaoh lai yang sia mo Studi... Seti 1, Ramses 3, Tuthmosis... Cleopatra, Queen yang declare diri sbg Pharaoh tu... tah sepa nama tu.,.. dan banyak lai...

Apapun AFUNDI FELIX!!!!!

Mo inform lu... Site Carta Lagu² Dusun di VFM uda kana update


Victor & Grace


Las nite sia pigi birthday celebration One Of My Bestest Fren Grace James. Ekekeke... dia sambut besday dia on 13 of June 2005. Umur udah 26 years old. Masih Muda bah... Nda lah ramai kami sambut cuma beberapa orang jak.

1. Grace James (BeyBey)
2. Calvin Carl (Tattu)
3. Gracie Stephen (Chubbs)
4. Georgia Abah (Ujang)
5. Mick (Tattu Cousin)
6. Victor (BeyBey punya Tanakwagu)
7. Sussana James (BeyBey's Sister)

Well... akculi ada few yang nda dapat pigi. hmmm... napa ah... ekekekke... nda lah akculi las nite kan Monday, yang len tu keja pada bisuk dia... jadi nda lah dapat mo join. Takut nokoloboi... Well, kami enjoy kami punya "mini party" di Pizza Hut Lintas. Slalunya kami pigi Karaoke, tapi tulah Monday kan... Ahaks... Walaupun sikit mimang kami enjoy punya. After that party sia nda balik trus... singgah lai donggongon... sia pi rehersal nyanyi di tpt pertandingan tu. Leher masih bekahak. Nda tau macam mana sia mo kasih ilang nie. Hopefully ilang sebelum Final nanti... HOPEFULLY...

Today and tomoro sia kena pigi Kolej Cosmopoint. Sia mo monitor Progress junior sia buat drang punya final Projek. Derang buat sistem untuk Cafe. Sia belum tau Cafe apa... Bah kunu² sebagai bekas student di kolej tu dan Bekas Presiden MPP (eksen lu) derang respek lah sama sia and minta tulung jadi mentor. Sia okay ja... bab course pun sama, IT and sia punya result Final Projek ari tu pun kira okay juga. Apa salahnya kungsi ilmu (walaupun ilmu sia kurang... ahaks...). sia ada keyakinan tinggi sama ni grup nie (Final Projek untuk IT di Cosmo mesti buat dalam grup) sebab sia buli nampak komitmen derang untuk score A+. Sia tau derang buli buat. Akculi (bukan minta pujilah) ada satu grup lai yang mo sia jadi mentor derang, tapi sia tepaksa decline sal ni satu grup uda duluan kasi tau sia. Laipun ada urang dalam grup derang yang sia nda berapa suka. ekekekekekke... Vengence! Nda lah... sia bukan lah terror sangat untuk mo guide banyak grup. Satu pun sia bingung uda... apa lai kalau banyak kan...

Well, ndada apa² yang sia teupdate... especially pasal album review. Sia belum ada masa mo dengar tu lagu Donovan Linus Niculas, Oliver George Mool sama Saldivianna Wences. Hmm... Ntah bila lah ada masa ni kali. Paling paling sia update ni blog jugak.. wakakakakaka...
Well, first of all.. sia mo mengucapkan ribuan terima kasih sama mereka² yang telah mengunjungi Web Log sia ni. Yang sia nampak slalu bagi kumin sama teriak di kotak teriak sia ialah...

1. CiaoFlocy - Sumandak Sabah yang berhijrah di Johor untuk mencari koposion sondiri... ahaks... bakaraja bo dia tu di situ...

2. Chubbs - One of my bestest (istilah ni sia dapat dari penpal sia duuuulu di Australia. Nama dia Lisa Perceval) fren. Sumandak dari Penampang... darah campuran Kuala Penyu... ekekekeke

3. Vogox - nda pula sia pasti siapa dia nie... macam sia pernah nampak ni nick dulu... c Albinus kah nie???

4. JamYun - Tanakwagu dari Keningau. Sia belum berkesempatan mo bersua muka, tapi uda nampak gambar dia di web dia. Memang hebat nie urang nie... JamYun, pounsikou ko kasih taruh add sia d sana web ko...

5. Dan yang sia nda sebut nama... ntah dari mana tanakwagu kah sumandakkah... TERIMA KASIH! Thanks kerna luangkan masa walaupun cuma beberapa saat saja. Cukup bermakna bagi sia...

6. Yang Sesat - Maybe... derang pengguna Blogger, tertekan Next Blog di atas tu, trus temasuk site sia. Padan lah visitor sia ada dari Iran, Colombia, Belgium dan banyak lai negara. Ahaks... Thank You All...


Ndada juga yang menarik yang telah happen, Well sia tekeluar dari tu singing competition. Huarrrggghhh!!! Tapi nda pa... atlesat sia tau yang sia suda cuba... and for me, masuk second round pun satu pencapaian uda. Sebenarnya sebelum sia nyanyi tu, kalau ikut 2 hari sebelum, leher sia ada kahak... pastu ada benda yang kacau utak sia... sia nda dapat konserntrate mo nyanyi dari time rehersel lai. Tapi sia tau... itu bukan alasan. Sia nda besa beralasan. Kalau uda kalah, sia trima ja. Ada juga hikmah dia tu. Tapi mimang betul sia bekahak leher lah... Tapi Atleast sia tau dimana kelebihan dan kelemahan sia. Kebetulan salah seorang pengadil pada malam itu ialah John Moduli, seorang penyanyi tempatan yang femes dengan lagu Nung Karati Koh dan Ika Id Ginawoku. Sia rasa beruntung juga sebab sia dapat beberapa komen yang membina dari dia. Dia cakap sama sia, In Person, masih banyak yang ko buli perbaiki. Kalau dari segi vokal, berlatih lai dia bilang. Genre vokal sia dekat² Mid-Alto. Sia pun tidak tau... apa tu Mid-Alto? Sia cuma perlu mantapkan lagi tu vokal. Satu lai dia bilang, Pilihan lagu mesti sesuai. Jangan kerana minat itu lagu trus mo pilih tu lagu. Sometime lagu yang kita minat tu nda sesuai lansung dengan genre vokal kita. Nda semestinya kita minat Jestie Alexius, trus kita pilih lagu dia untuk di bawa bertanding, kalau vokal kita nda sesuai dengan lagu tu. Pastu dia cakap lai, gaya persembahan mesti ada. Cara kita buat gaya masa bertanding dengan persembahan biasa amat berbeza. Kalau masa bertanding, kita kena hayati betul² lagu yang kita bawa. Jan pula lagu sedih kita senyum² sama kawan. Itu bleh mempengahruhi markah pengadil tu. Kalau lagu rancak contohnya sumazau... jan lah bediri macam tunggul. Bagus nyanyi lagu Negaraku dia bilang. Last sekali komen dia jangan terburu² kalau mo menyanyi. Relax! Tenangkan fikiran. kalau buli fikir urang yang kita sayang dalam lagu kita tu. Supaya apa yang kita cuba sampaikan, audience bleh rasa. kalau buli nangis, nangis ja... nda salah.

Ada juga komen yang bagus dari Audience untuk sia lah. Derang cakap, Level of confident sia cukup tinggi. and Then... Tempo sia nda pernah lari. Teda satu key pun lari masa sia buat persembahan. Mungkin ini saja nda cukup untuk masuk 3rd Round. Nda pa...

Well, sia rasa amat berbaloi ikut tu pertandingan. Walaupun sia kalah di 2nd Round, tapi dapat tips dari artis pun sudah kira okay, walaupun bukan dari Siti Nurhaliza atau Misha Omar. Atleast derang pun berpengalaman. sia akan cuba perbaiki kelemahan sia dalam pertandingan yang akan datang. Akculi ada satu lai competition yang sia uda masuk Akhir. ahaks... Tapi sia bawa lagu rancak pula. Sia masih ada satu minggu untuk improve semua kelemahan sia. Cuba saja lah urang bilang tu... ekekekekekeke...

Like nothing... ahaks.... nda tau apa yang sia mo tulis ni kali... well better sia tulis tentang preparation sia untuk second round Singing Contest on dis saturday. Hmmm akculi, sia akan nyanyi dua buah lagu. Satu lagu George Lian - Oomis Nosili Topoit dan lagu lama Roger Alum - Dandi Au Notuhuk. Akculi lagu George Lian ni kira first time sia bawa masa first round. Sia decide untuk bawa ni lagu pun 2 hari sebelum hari pertandingan. So mimang buli kana imagine lah amacam sia punya persediaan. Tatap kelam kabut. Tepaksa lah tidur sampai pukul dua pagi hanya mo dengar betul² lagu tu. Sudah tu kena cari "kEY" yg ngam pakai gitar lai. Mula² kod sia cari D. sia ingat ngam, tgk² low masi... Paksa naik lai satu key, pigi E. Sudah tu, kena tukar cara nyanyian, supaya tidak terlalu sama dengan cara George Lian. Problem dia ni lagu, ada beberapa sebutan yang laju dan mimang nda buli kana ubah... so sia decide kasih panjang yang di ujung² ja. Ahaks. Kalau George Lian dingar, katawa kali dia tu. Yang second Song mimang sia pernah bawa dulu di sugandoi peringkat kampung. And sia dapat numbur tiga. lagu ni teda risk. Sebab dia lagu lama dan urang pun jarang dengar. Cuma yang buat ni lagu ada susah ialah... kebanyakan ujung dia panjang... so itu key senang lari. Kalau lai stamina nda cukup... mimang sumbeng punya.
So after beberapa kali cuba nyanyi tu lagu, sia rasa sia masih belum dapat nyanyi dengan baik. Banyak lai yang sia perlu perbaiki. Especialy dari segi vokal. Maybe i was not born as a singer. Eventhough bapa sia adalah singer. Hoh. Darah seni bapa sia nda banyak kali dalam badan sia nie. Maybe sia cuma bleh cipta lagu ja. Sebab i like composing song. Ahaks... at the moment sia uda ada enam lagu (dalam bahasa Kadus) yang sia cipta. Tapi nda tau sepa mo bagi. Mo nyanyi sindri... suara blum power... mmo kasih urang sayang pla... adeh.
Apart from dis saturday, next week ada satu lai competition yang sia ikut dan ini sia uda masuk final. Lagu di sini sia bawa jauh berbeza dengan lagu yang sia akan bawa dis saturday. Lagu Fhilix Don - Noumbalan Ku Noh. Rentak sumazau. dis is the first time sia bawa lagu Fhilix Don Live dan first time juga sia bawa lagu rancak!!!! Problem dia kalau bawa lagu rancak, sia nda buli menari sambil menyanyi. Tulah sia brabis tinguk AF punya diari, supaya bleh curi idea... wakakakakaka... But apapun sia akan cuba jugak lah...

Elloo.... Ahaks... Bah kepada mereka² yang melawat termelawat, pengunjung setia kah apa kah... sia uda update itu Bontugan Sinding (lagu dusun) punya Standing as for 5hb June 2005. Ada juga kezutan lah. and sia uda review satu album iaitu Atama punya debut album. So silalah melawat kedua² site tu dan tinggalkan lah sedikit dua kumin... terimakasih. Adeh... Lapar pula sia... Bah kamurang click² jugalah tu link sebelah kanan kamu. Member punya juga tu... Tahun Melawat Blog! Ahaks...

Oh yah... Felix Agus AF3 pun makin hebat sia tinguk. I wonder kalau lepas balik dari AF dia mo nyanyi lai lagu Kadus kah tia, sbab yang ari minggu sia dangar lagu dia, macam best pula...

Marsha, sia blum dapat komen dia lebih². Dunno much about dis gal, but sia tau suara dia ok lah. As for Ekin, sia suka taring dia... Kiut.Ahaks... and for Yazer! He's Rock Beybey. Tinguk dia perform ari tu, teingat sia Bo Bice. Sejibik! ahaks... The rest, i kindda like Idayu. Vocal Range dia power gilaks!!! Hopefully dia dapat lagu yang lebih "mengancam" vokal dia lai...

Dis saturday, nda dapat tinguk konsert, sebab sia sindri pun ada "konsert" cheh! Ahaks... So long... Oh... To CiaoFlocy, TQ sbab slalu visit my blog yang nda seberapa ni... Mo update lai kali nie... And TQ tu Gracie to sebab ko pun slalu melawat!!! ahaks!!!

I've listen to Atama debut Album. Sia nda mo komen banyak, sbab nanti sia ada satu site yang akan komen smua tu. Apa yang sia buli cakap, sia enjoy dengan smua lagu dia... Especially lagu Saputangan Keningau dan Ika Noh Butia. Ahaks.. Of Coz lah lagu Throw Your Hand In The Air sama Can't Stop The Sumazau! Ahaks... He's Great. Sia nda tau apa mo cakp lai... but IT IS A MUST FOR ALL MALAYSIANS ESPECIALLY SABAHAN TO HAVE ONE!!!