Kalau diikutkan dengan keadaan, sia mimang agak bz sekarang nie... amat bz. Tapi sempat juga pok silap sini. Well... sia masi teda tau apa yang sia mo tulis dalam ni site. Tapi nda pa. Sia tiba² dapat idea. Sia mo wat crita tentang kawan-kawan sia. Bah since sia ted aidea kan... so sia kira mo buat story tentang sia punya kawan yang sia kana kasi kanal time form 3 lagi. nama dia si MARY J. WILLIAM. Kita preview pic dia ah... ni sia "ambil tanpa kebenaran" dari dia pinya frenster.


Okay... Tunggu jak update sia kio... Ahaks...

KaDuS Bilang:
Welll... Lea (Mary) ahaks... sia mo tinguk macam mana reaksi ko... nda akan tukar plan nie... ni bukan sal our deal before... saja bah... sia dapat idea pun bila sia besms sama ko malam tu! yeah!!!!

To Davelynn @ Sumandak, ko pun ada nama baru. Bibilanut. Sia akan tunggu ko pinya kedatangan, dan kodut ko. Sia dan "kawan-kawan" sia. Tu Butod, gonggok dan buhangkut!!! Yeah!!!

Ah... marilah melawat lama web seorang sumandak yang kiut, AYU tapi JAJAL!. Kawan sia jugak bah nie... Dia actually urang lama dalam tenet nie... and dia ada satu laman web yang memang sia buli cakap Pemes. Laman web dia ialah, www.sumandak.com. Tapi bukan untuk sumandak saja... untuk semua urang gia... wekekekeke.. nga ni lama web ni kana tutup sementara waktu, sebab adalah tu. So dia buka satu blog untuk stori-stori pasal apa ja yang dia rasa buli buat stori. Actually blog pun dia banyak, nga sia highlight ni satu ja.



Kamu Untuk pergi ke blog c Sumandak-Yang Ayu tapi JAJAL ni, kamu buli click tu Gambar di atas!

Lawatlah blog ini k... Di samping kejajalan dia... banyak yang akan dia cerita nie nanti... Sesungguhnya si sumandak ni AYU tapi JAJAL

P/S:
Kepada derang yang sia bagitau suru beli The Star kemarin (att Mary J. W. And Gracie @ Chubbs), tapi nda dapat pi beli... kamu lawatlah laman web ini
1. Doing It Independantly
2. Culture Club

The rest of the story can be found on KE Official Websites. Buli juga register kamu jadi member...

Siuk-siuk sia mo cuba tidur (sampai tidak tereply sms si Davelynn a.k.a sumandak), sia tebangun. Mingkulakak tu ayam sana reban. Satu baris, macam hutil jak tu kandang ayam. Yang bising tu yang paling ujung. Sooono. Dei, sia bangun lah... bila sia tinguk, lumpat-lumpat macam tu gila. Sia kasih biarlah. yalah mungkin tikus kah, kucing kah or anjing kah, pigi kacau-kacau tu kandang.

5 Minit selepas itu, bising lai... mingkulakak lai. ni kali tu ayam jantan dan bini dia (mangkali). Adeh... kanapa lah kamu bising? Jam dua pagi sudah nie...?, siua bilang. Bilik sia menghadap kandang ayam bah. Tidak lah dakat betul. Maradang dengan tu ayam bising, sia kluar, ambil torch light pigi suluh. Mula-mula sia suluh dalam rumah, tapi nda nampak apakah. Sia nda puas ati, sia keluar dari rumah. Pigang kayu, manatau ada pencuri kah, perugul kah, peliwat kah. tu nda di undang jugak tu. Sia pigi dakat tu kandang ayam (Room No. 1), sia suluh... Adeh.. apa di dalam? Lopung gia! Sudah lah sia mamai-mamai, tuyu-tuyu lai tu. Sia pigi kasih bangun aki sia. Abis ayam dia juga bah.

Kami nda tau apa mo buat dengan tu lopung. Mo kasih mati di dalam, susah jugak. mo tarik keluar, sepa lah berani. Aki sia pun bukan kuat lagi. Dia kluar juga pigi, sampai telupa tungkat dia. Kira mo panggil bumba. Sebab sia slalu nampak di TV tu derang panggil bumba kah, rela kah kalau jumpa bewak besar ka, Lopung kah. Tapi kana marah lai. Last-las pi panggil jiran kami. dia datang bawa skup. Uiks barani bah gaya dia. Aki sia pigi tarik tu lopung, pi kasih luar. Panjang juga lah. kalau sia nda silap adalah dalam 8, 9 kaki gitu. (Sia tambirang si Dave, bilang 12 kaki) Sia kasi tau derang (aki sia sama tu jiran, c Idwin) jan lu kasi mati tu lopung. Sia pigi cari karung lu. Baru sia masuk sudah sia dengar bunyi macam kana pukul. Adeh... derang pigi kasi mati juga. Maybe kerana itu anak anjing sama tu kusing smua berkeluar di rumah. Lagi pun aki sia bukan kuat lagi, c Idwin pun penakut jugak. Skali tinguk, uda no-dead, biarpun masih beguyang. Derang bilang tu Lopung lambat mo mati tu, tapi kalau kana point of dead dia, skjp jak tu. Tamatlah riwayat tu Lopung.

Adalah satu ikur ayam betina (salah satu bini tu ayam jantan kali) yang menjadi mangsa si Lopung. Ahaks... KAna jual gia tu lopung sana tamu. Ngam ngam ari lima... Ahaks.. Bah tamatlah crita nie...

KaDuS Bilang:
Tidak heran kalau tu lopung buli pigi sana reban ayam. Sebab ada semak samun, bekas kabun bah di belakang tu reban. Bukan nda mo kasih bersih but sa pernah encounter itu ular cobra kici. Fobia lah... Akun kali sia kasi gaji urang nie. Apapun nasihat sia kalau buli, kasih pasanglah belerang di kawasan reban ayam tu. Nda juga mahal tu. Untuk keselamatan gia... ahaks...

There will be an article done by our local lad, Philip Golingai, about the Kadazandusun music & entertainment industry in Sabah and it will be publish on The Star, Malaysia Leading English Newspaper. The publication will be in 2 parts, where the first part is will be on paper Tomorrow, Sunday 19th March 2006. The second part will be made available maybe on next Sunday, the 26th March 2006. The article will cover the story of the Kadazandusun Entertainment, with some well known figure featured in it. This article is Highly Supported by KaDuS Entertainment™. Do get you copy starting at 10 am tomorrow at your nearest news stand. You may also get it Online as early as 6.00 am tomorrow by visiting The Star Online web site.

The article can also be read at KE website. Thank You!

Don't Forget Your Copy!
(Extract From KaDuS Entertainment™)
(P) & (C) KaDuS Entertainment 2005 - 2006

KaDuS Bilang:
Si phillip, call sia yang ari lima untuk minta confirmation sama few of the article. Then dia bagi tau sia yang tu article ada 2 part. Today (19 March 2006) and next Sunday (26 March 2006). Si philip balik² minta sorry ni, sal menyusahkan dia blang. ahaks. Phillip, No big deal bah... okay bah kalo ko!
Kepada derang yang yang nda berkesempatan beli the star ni ari, please visit The STAR ONLINE untuk baca crita dia... and DON'T FORGET TO GET YOUR COPY NEXT WEEK!!! Jan lupa....

Hmm... sori lah sama kamu smua... sia sedang bercuti dari mengupdate ni. Tidak tau apa yang sia mo tulis lagi... Lai pun sia boring yang teramat sanagt, so maafkan sia... ahaks...
Sepa yang nda faham tu posting kadazan, nanti sia translate dia... sabar di kamurang!!!

Kopivosian kumaa toinsanan tutumombuhui, kouvang om nogi ih toimo imo do mooi omboh om nogi mooi pambasa sinuatan id suang blog ku diti. Tantu do nokotigok kou ngavii tu susuvai kozo ih sinuat ku do baino. Otopot nopo nga, aiso ih do pisuvasan mantad ih sinuat ku dii poguhu poh, nga baino kuminam zou do monuat id boos tokou sondii, Kadazan. Kumaa dii kalati iti sinuatan ku monongkotohuod zou do au gina tu nakataak ko timpu do mambasa iti. Siou nung kivaa ih au notunud iti boos ku, tu izou nopo nga kakal poh do balajar moboos om munuat id suang do boos Kadazan. Iti sinuatan nopo nga mantad pomusahavan zou do sondii om okon ko mantad suvai tuhun, dadii ahansan zou do au kou ngavii otogod songian kabasa kio...

Nonggo tosusa nung balajar do moboos? Kadazan toi koh Dusun? Montok kopoihan diozu, kogumuan tambahut ku mantad id uvang Tambunan, Ranau, Keningau, Kota Belud, Kuala Penyu om au nogii ohivaan id uvang Penampang om Papar. Kogunuan dotiho moboos id boos doh Dusun. Songian nopo uoton ku, nonggo iso tosusa, kogumuan dotiho do sumimba, "Osusa Kopiyo Balajar Boros Do Kadazan! Ogumu ih Z!" kaa dotiho. Uoton ku poh vagu ih tambahutku do Kadazan, "Doi, Osusa moboos Dusun. Koihit diha. Ogumu vagu do R". Dadii nonggo iso tosusa? Izou do pomusahavan, nga duduvo boos (Kadazan om Dusun) aiso ih kosusaan do balajar nung kihizab tokou noh do minsingiho! Montok dogo, Boos do Kadazan toi ko Dusun au ih osodu pisuvasan dau. Taako ku diazu do "contoh" kaa do malazu. (Onu kaa do boos do tokou "contoh"? au zou insan koongou? Ekekekeke)
-------------------------------
Boos (KDZ) = Boros (DSN) => Cakap/Bahasa
Lahan (KDZ) = Ralan (DSN) => Jalan/Cara
Koposizon (KDZ) = Koposion (DSN) => Kehidupan

Guminawo (DSN) = Guminavo (KDZ) => Mencintai
Momuhondom (DSN) = Momuondom (KDZ) => Mengingati
Sala' (DSN) - Hasa' (KDZ) => Salah

Nung intangan tokou do koitahangan id savat, au ih songkuo osudu iti boos do Kadazan om Dusun koni. Dadii, otopot nopo, nung montok dogo, au ih osusa balajar iti boos do Kadazan toi ko Dusun. Au zou poh pandai moguhud boboson id Dusun, hobi poh do moboos. Ingkaa nogi doo boos Kadazan. Topot nopo nga, kakal zou poh balajar iti boos do Kadazan mantad zi-aki ku, om nogi tuhun kampung ih nongohoing noh... Kada kohodong kio. Somunu do mihohongod songian zou do moboos Kadazan. Ahaks..

Iti nopo sinuatan ku baino nga kokomoi noh do boos do Kadazandusun. Nokuo tu kogumuan komuhakan tokou au dii koiho do moboos id boos do Kadazandusun? Isai dati pahasaon nung insan tadau opunso iti boos tokou? Kivaa tuhun minoboos do dasom do atus toun, atagak dati iti boos tokou. Katapi, mantad ih pomusahavan ku, au dati koikot do atus toun om atagak nodi iti boos do Kadazandusun nung aiso kalaja do manampasi. Aiso nodii tuhun, hohobi poh ih monongodu om manangaki tokou, do koiho iti boos Kadazandusun. Okon ko nopo do boos nga ih nogi koubasanan om tungkus tokou. Onu ih lahan do tavasi kozo do momogompi iti boos tokou?

Tumanud do pomusahavan ku, kivaa pipio laan do buli gunoon do manampasi ngavii boos do Kadazandusun.
Koiso
- Balajar moboos mantad daamin. Mokituduk mantad mohoing tokou. (Au nopo popoiho ih mohoing, kokoton do tohingo dotiho)
Koduvo
- Nung kasaha do moboos, kada koikum do muot ih kouvang toi ko topbinai ngavii.(Tapi nung ih kouvang au nogi pandai moboos, toi ko "dua kali lima" tapapo makai solipar jipun)
Kotohu
- Podulion ngavii ih tuhun do popoiak toi koh mimboos do alaat songian nopo do nabati' iti boos nu. (Suuon dotiho do moboos id boos do Ingris toi koh jipun)
Kaapat
- Angatai ngavi ih tambahut do moboos id kadazandusun.(Au nopo tumanud ngavii tambahut nu, suuon do mooi tuubung dukutor. Sumakit datii ino.)
Kohimo
- Toimo imo do mokinongou radio Kadazan toi koh Dusun nung kivaa noh do timpu. (Nga okon koh do mokinongou kopoihan suang hamin toi ko hoogo do gata nopo)
Koonom
- Mambasa do kalatas abal id kadazan toi dusun. (Okon koh momohi kalatas abal, mooi nopo intong result 4D...)
Kotuu
- Om susuvai poh..

Ogumu poh dati laan do manampasi om momogompi iti boos tokou nga au zou koimat do monuat tuh oluahan zou noh do tuhu ti. Tia diha ku nga koihit nodi, tu songian monuat, basaon ku tulus. Nung kivaa pomusahavan diozu kokomoi iti, kavasa kou do monuat id "Comment" toi ko Email ku id= markiekadus@yahoo.com. Kada hivai, nung papatod ko nopo dogo doh emel nga suaton noh isai ko... mana tau kahasa vagu do tuhun. Songkosuvasan dati tondoson ku. ekekekeke...
Bah ih iti noh dati gisom sinuatan ku. Ahansan zou do au kou kokuazai songian kabasa iti blog ku. Kada doh mimang luo' ino tuhu nu sabab oihaan ku do "lintang-pukang" iti blog ku baino. Tudukan zou noh nung kivaa kinahasaan ku do monuat kio... Bye... Kotouhuadan... Doino kono...


KaDuS Bilang:
Wakakakaka... apa sia tulis ni... sumtime, sia sindri pun tidak magarti... ahaks... sia harap kamu faham lah... kalau nda faham pun, pura-pura paham pun buli lah... wakakakakaa

Ahaks... kalau mo cari story yang sia rasa funny and tidak bagi kamu, nilah sia rasa... story sia kana sabotaj (or mungkin tidak sengaja). Ahaks... Sia mo kasih tau yang sia bukan mo minta puji kasih cerita smua nie, tapi yalah, sia mo dia jadi kenangan sia yang paling funny pernah tejadi sama sia... wakakakaka... Crita dia gini.
Sia ada buat satu artikel pendek tentang Danny F. Malinggi di sana KaDuSMusic™. Masa tu page KE™ blum ada lai. Artikel ni berkisar tentang album baru Danny F. Malinggi yang bakal dipasarkan tidak lama lagi.
Well, sia buat a lot of research sebelum sia publish ni artikel. Maka dijadikan cerita, ada ni satu kawan sia dari FAFC, eh sia sebut jak lah nama ko... si TOMKURUS@TOMM nampak kali artikel sia and dia rasa bagus kasih publish di local newspaper. Yalah, sia agree dengan si TOMM ni yang kebanyakan local newspaper macam kurang sikit cerita tentang artis tempatan. Mungkin juga teda cerita yang boleh digembar-gempurkan. Bukan macam artis yang sana tu... So sia agree, tapi sia kena buat satu lagi confirmation tentang artikel ni dari syarikat rakaman si Danny. Yalah mo make sure yang teda akan ada masalah bila artikel tu timbul. Nasib juga sia pigi jumpa, sebab mimang ada part yang silap. So selepas derang kasih betul, sia ambil and sia emel sama si TOMM. Dia minta gambar-gambar si Danny, tapi sia teda tu gambar, so sia suruh dia tanya si Buss gogds sebab dia yang ambil smua tu gambar tu.

Si gogds bagi tu link gambar sama si TOMM. Si TOMM ambil semua 9 tu pic, and send pi sana Sabah Times untuk buat tu artikel. Dia kasi tau sia yang tu artikel akan keluar maybe on Tuesday (28/02/06) or Wednesday (1/03/2006). Hari yang ditunggu pun tiba. Tu artikel kluar on Tuesday. Malam tu lagi uda si TOMM sms sia kasi remind. TQ Buss. Si Kidit pun ada kol, kasi remind sia. Si YAN pun. Then sia bangun dari tidur lambat skit. Masa tu sia sakit bah. Demam panas dari ari minggu malam lagi. Trus sia nampak ada Sabah Times kana kasi simpan sebelah sia. Bagus, buli juga sia tinguk kejadian tu artikel!!! Blakanglah cuci muka! Sia trus cari page Irama & Lagu. Trus sia nampak Tajuk besar: Danny Malinggi Kembali Menggegar! Smart Eh!

Satu kali sia tinguk bawah sikit... Astaga! macam mo jatuh jantung sia bila sia tinguk pic sia sama si Danny pun kana kasih include di sana artikel with the other photo. Besar lai tu and ngam-ngam di center... or almost center lah. Sia macam tidak picaya lah. Mungkin sia salah tinguk or sia mimpi kali sia bilang. Sia pi mandi, sedia mo jalan sebab sia ada keja yang mo kana buat. Sia sampai donggongon, kawan-kawan sia macam sinyum-sinyum kambing ma sia. Trus sia pi check lai satu kali sana tpt keja. Dei muka sia sama si Danny. Macam mana pula tu gambar buli kana kasi masuk. Bila sia on fon sia, banyaklah SMS yang masuk. Ada yang men-men, ada yang cakap congrats... adeh.... Then ada ni satu SMS dari ni satu orang, trus lagi dia cakap yang dia nda bertanggung jawap... ekekekeekke... sepa tu ah... Si TOMM. Wakakakaka... lawak betul...

Sebenarnya teda salah sepa-sepa bah. Itu link tu originally si buss gogds bagi sia bah tu. Untuk tu artikel. Mimang sia tau ada pic sia sana. Tapi sia teda jak masa mo ambil semua sebab tu size dia tlampau besar bah. Lambat mo Download. Sia kira mo kasih tau dia supaya bukalah tu link, nanti sia minta burn saja, tapi sia lupa. Then bila si TOMM minta tu pic, sia kasih tau minta si gogds. Sia nda sangka pula yang si gogds pi bagi link yang sama, without kasih buka pic yang ada muka gobuk sia tu. Si TOMM pla dia antar jak trus tu 9 pic. Smua. Sia pun masih heran, macam mana tu pic buli temasuk dalam tu News... Adeh...

So, sia mo clarify sini yang sia bukan mo cari publisiti murahan or mo tumpang populariti si Danny. Tapi secara tidak "disengajakan" pic tu termasuk sekali dalam artikel tu. Buli juga cakap lah yang si danny bergambar bersama penulis artikel. Ahaks... Tapi ini nda akan mematahkan semangat sia untuk mo menulis lagi artikel! Sia banyak artikel yang akan sia tulis... most of them interview... Ahaks... So kamurang tunggu ja... Terima kasih kepada gogds di atas pic yang mimang hebat tu... and kepada si TOMM kerana bertungkus-lumus membantu KE™ untuk mo publish tu artikel... TQ BUSS!!!

-KaDuS-

At last, siap skins yang sia brabis modified smalam. sia guna skin sia yang itam tu dulu tu, kasih ganti background and kasih pindah navigator dia. Sekarang sia pakai 2 colum balik, bukan tiga, macam ari tu. bukan sia nda suka yang 3 tu, cuma a bit fussy bah. Itu text di tengah sia rasa macam agak sampit. susah lagi mo baca. Dei bagus kalau ada yang baca kan... Lagi pun si KIDIT pigi pakai skins yang sama. Malas lah sia. Nda suka kayo kalau mo sama-sama nie... ahaks... Tidak pa lah kasi chance dia pakai.
Sebenarnya mo buat ni skins ni sinang jak bah. Tidak juga susah. Yang penting ada sedikit pengetahuan dalam HTML. Itu CSS, Javascript, flash and apa ja tu tidak berapa penting, sebab kebanyakan dia punya command or code bleh men copy-paste. Akculi, HTML pun buli men copy-paste bah. Cuma kalau kita always implement ni coding, mimang kita nda akan lupa sampai bila-bila. Sia buat ni skins, dengan bantuan Web Page Editor. Ada lebih senang sia mo faham apa kegunaan code-code HTML yang sia nda brapa faham.
Kalau kamurang masih ingat sia punya blog pinya skins tu ari, warna hitam background dia then dia punya tulisan warna biru tua. Then link dia kalau kita mouse-over (point tu cursors) sana link, dia akan hover pi kaler biru laut. Cursor pun jadi macam plus(+). Sebenarnya tidak banyak yang berubah, kecuali itu navigator sia kasih pinda pigi sebelah kiri monitor. Navigator sia simpan semua link, profile, kutak teriak sia and other info. then, itu background sia ubah warna, and sia buat watermark. ekekekeekke. Nampak kana personalized sikit...

So what do you think? kasih tau kayo sia.... ekekekekeke... sia akculi mo tau apa kaler yang paling ngam untuk text blog sia bah... nanti bikin sakit mata pula kalau sia pakai ni kaler... kasi tau gia sia... ekekekekeke