Yeah! First Of all... Sia mo ucap THANK YOU VERY MUCH sama derang yang uda wish sama sia. amat dihargai. Smua E-Mail, SMS, PM, Testimonial etc... Tq very much. Also tidak lupa kepada yang kol juga. TQ Very Much.
P/S to Azean Villame: sia kasi masuk juga pic ko nanti, since sia nda dapat jumpa tu disk. You Save For now!

BLOG>>
Ada perubahan kan. Last time,sia try pakai tu Blogger Beta pinya template, yang men drag-drop saja. Keja senang bah... Tapi guess wat, Sia nda juga pandai paham macam mana mo buat.. Satu malam sia pikir, macam mana cara sia mo buat, tapi nda juga dapat. Made up my mind tadi pagi, sia bilang mo pakai tu core that is pure html plus css sikit. Nda pandai sia pakai tu xml. Kalau mo pakai pun buli, tapi ilmu IT sia ni masi rendah bah. Lama-lama sia pakai juga tu, tapi nda tau bila. Ajar sia!!!
Sia pinya Kutak Teriak pun uda sia ubah! Sia ikut dari sono Blog si yan. Macam siok juga mo pakai since dia nampak nda begitu fussy. Senang m urus... and user frenly. Tapi nda tau lah... this is my first time pakai dia...

UPDATE>>
Errr... Setakat ni sia nda tau apa yang sia mo update... Kindda blur. Nda tau apa mo cakap. Nga kalau ada crita, sia akan post juga disini... TQ Once Again!!!
Yeah!

KaDuS bilang:
1,2,3...

Allo... Sia mo Wish Hepi Besday yang ke 2** kepada si MARY J. WILLIAM! My Friend Since 1995 (ya ka lee???) Enjoy kio!

Tu Di topic, says it all... Sia mo wish A big CONGRATULATIONS Kepada kawan sia, which happen to be a singer (new singer). Lagu dia Ganit Ginavoku, sekali lai menjadi Juara Carta Lagu Kadazan untuk minggu kedua berturut-turut. Mimang sia suka lagu ni. Sia nda taulah kalau dia (Sandy) ada rancangan untuk mo menerbitkan album ni, kalau ia, i hope sia ble dapat satu copy. Lagu ni mimang sia tunggu, everytime sia buka ridiu.
Lagu ni mimang dia pinya melodi bagus and lirik dia pun bagus dan mendalam (even sia belum lai dapat tinguk full). Sia rasa lagu ni ada cerita di sebaliknya... betulkah???

Sia terfall in love sama satu lagu, Ginawoku Kagasannu or kalau direk translation, hatiku kau ikat. Ekekekeke... Lagu nie pun best... juga menjadi juara carta Dusun. Tiga minggu uda. Wekekekeke. Pun sia nda pasti kalau ada album or album kompilasi nie.

MASALAH BLOG SIA>>
Kenapa begia blog sia begini...? Tiba-tiba lagi. This is not the first time i've encountered dis problem with my template. Nasib baik ko free-of-charge-service. Pandai ilang sia pinya templates (dalam bentuk html), tidak tau kenapa. Sia kana kol (WAKE UP KOL) dari koupusan yesterday. Dia kasi bangun, tapi trus dia tanya wat happen to my blog? Sia tu masi mamai lai uda kana tanya macam tu... Duh... tapi sia jawap juga lah, sia bilang tidak tau... wakakakaka...
Sia bangun, then berpikir lah kenapa. Dulu pun begitu... bila sia check balik dia pinya HTML pinya template, tinggal half lai... dui... truk. Tidak apa...
So untuk sementara waktu, sia nda akan pakai RADIO BLOG, CHAT BOX and apa-apa feature yang dulu ada... nantilah. sia cari-cari dulu idea apa macam.

GAME>>>
Sekarang sia tegila dengan men game. Tekana lai tu game yang pasal EGYPT. Pharaoh! Akculi game lama bah nie. tapi tiba-tiba sia tejumpa, mimang best gila, given the fact yang sia minat mo tau pasal egypt. Game ni dia pinya cara men macam men Sim City. U make a city out of nothing. Tapi yang sia lebih suka, game ni based on the actual history of egypt. Di mana kamu buli wat monuments (Mastaba, Bent Pyramid, Stepped Pyramid, etc), tapi it will take a very LONG time. Cara buat pun macam real saja. Sia sedang men ni game, mimang best.

MUSIC>>
Ekekekekeke... Sia terminat betul bila dengar lagu si Sandy Sherrel James, Ganit Ginavoku (Luka Hatiku). Sia terbaca di blog dia tentang ada urang yang cuba mempertikaikan Sandy pinya lagu dapat jadi Juara Carta Hozou Kaanangan Minggu Diti disebabkan "undi sendiri". Apa masalah dengan tu? Bagi sia kalau pun dia or sepa-sepa saja artis, nda kira di Cenel Kadazan or Dusun pinya carta yang men "undi sendiri", n kebetulan tu lagu jadi juara, tidak menjadi masalah bah. Bagi sia, itu salah satu Cara mo promosi tu lagu. Selagi tu lagu masi ada dalam carta, dia akan tetap kana kasi men atleast once a week, so teda masalah bah. To Sandy, ko jan paduli urang cakap. Mustahil ko "undi sendiri" saja sebab sia PASTI ada juga urang yang minat lagu tu and undi lagu ko sebagai juara. Sia undi bah (biarpun dalam carta yang lalu ada 4 artis yang sia kenal dalam carta). Tidak apa... Ekekekekeke

Bah, ini saja yang sia dapat cakap untuk ni kali. Sekali lagi sia minta maaf sama sepa-sepa yang nda dapat xs blog sia disebabkan oleh kababaln ni blogger. nda pa... Ciao!!!

Hola... Lama betul sia nda menulis nie blog. Adalah sikit masalah tu... wekekekeke.

UPDATE>>>
kalau ikut, ndada juga apa-apa yang sia mo cakap nie ari, melainkan mo update ni page saja. Lama btul nda kana update. Nanti urang sangka sia jadi MIA (Missing In Action). Kalau ada yang mencarilah. Ahaks. Sum of the reason; I'm Not Feeling Well. Kurang sihat sejak kebelakangan ni. Napalah time sekarang mo sakit, especially mo dekat sesuatu yang sia rasa penting dalam idup sia. Leher lai buat hal... WHY!? Ada lai masalah len, tapi biar sia sindri ja lah simpan... wekekekeke... Biralah Rahsia.

FENOMENA White Onion, Red Onion!
Kamurang pernah tingukkah nie series? Kira hits lah kunu nie series nie. Sana sini sia nampak di pekan urang tinguk nie. Satu yang sia rasa ni series spesel is smua urang akan PAUSE derang pinya live for 1 hour. Sia ingat kalau yang driver van masuk kampung tu, derang akan berenti skjp dari pirating(angkat urang) selama 1 jam. Kehidupan sini Donggongon akan BERENTI sekejap pada pukul 2:30 till 3:30. Kenapa ah? Best sangat ka tu series? smpi urang stop hanya mo tinguk tu series? ahaks.... Kebanyakan yang sia tanya, derang bilang series nie bikin tigiran, bikin panas? apa yang bikin panas??? I'm not a fans to dis series lah. Sia dulu suka a few series lah. First Telenovela yang sia tinguk is La Usurpadora (The Impersonator) lakunan si Gabriel Spanic. Ahaks... Best Ni Crita. Then I Move on untuk tingu Mis Tres Hermanas (My Three Sister) lakonan si Scarlett Ortiz. Ni yang paling best. Kana lai sama theme song dia, dari Group Sons by Four, A Puro Dulor (Purest Of Heart). Trus tinguk lai Sanay Wala Nang Wakas (Jericho Rosales, Kristine Hermosa, Diether Ocampo etc). Ahaks... Antara 3 series tu sia paling suka tinguk Mis Tres Hermanas. Pernah sekali sia mis Training Bula unutk district (Penampang) team gara-gara ni series saja. Gila eh.
Balik sama tu bawang, apa yang best... paling paling sia tinguk yang best dia tu bawang(s) lawa. Sia nda tau crita dia tapi tah lah... Besa kalau sini Donggongon, kadai India TATAP akan panuh. Dari urang tempatan sampai lah urang "bukan" tempatan. Wakakaka! Tapi ada juga kadai Cina and kadai urang kadus yang penuh... Well... mimang baguslah mangkali ni series nie.. .wakakakaka...

Bah... ni saja untuk ni kali... nantilai sia tambah lah...