Ni sia dapat dari kawan sia punya frenster buletin... ekekekeke. Bacalah kalau kamu paham...

* You drive at right lane of the road, with a speed of only 50
KM/H. If people horn behind you, you still don't know what's
wrong. - manada.... kalau sini mimang kana paling kurang kana horn balik, kalau tidak tatap kana tampiling trus...
* You have the luxury of working from 8 AM to 5 PM (get off
work punctually). - NO COMMENT
* You don't believe that there is any "clean" politician in
Sabah. - Ini betul... sia sukung
* You feel "obligated" to reach the top of Mount Kinabalu at
least once in a lifetime. - off coz lah... kin malu bah kalau urang Sabah tidak pernah naik Gunung Kinabalu, dalam negeri juga!
* You prefer a big car than a big house (probably you can't
drive a big house round to show off). - NO COMMENT
* You wear slipper and short wherever you go, even in city. - Besa lah tu, buat apa mo smart-smart!
* You still think that Labuan belongs to Sabah. - Sometimes!
* You will not go to any FREE seminar / function that has no
food or refreshment. - AGREE!!!
* You don't care about service. You just want things cheap,
cheap, cheap. - Yalah mo bejimat bah!!!
* You know where to get your candles and torch light quickly
in the total darkness (due to training by frequent blackout). - Kebiasaan sudah gia tu... macam kana program saja di mana mo cari...
* You know what "aramaitiee" means... - OFF COZ!!!
* You shout "referee bodoh" and at the same time throw
mineral water bottles on the pitch during a football match at
Likas Stadium.. - NOT ME
* Your Timorese maid ran away with her lover, taking your
money or jewellery along.. - Maid sia dulu sudah kawin, dia lari, teda curi apa²! ahaks... Uda juga kana tangkap... kotoh!
* You doubt someone's mykad whether it is real or fake.. - Kadang-kadang. Even sia punya sindri pun sia takut fake... manatau...
* Your favourite assemblyman whom you vote and supported
all this while... gambled away and lost a whopping 60 million
ringgit in a London casino.. - Bukan di kawasan sia!!! sana ***** tu... ekekeke
* You go inside a karaoke at 12 pm and realise that the place
is still open at 5 am... - Kebiasaan bah tu... The night is still young gia...
* You come across a supposedly local person but with a very
foreign accent.. - Jarang pula sia jumpa. lalu tu sia tau trus... ekekekeke
* You cannot vote in an election because someone has voted
on behalf of you... - Nda tau... belum pula sia pernah mengundi... ekekekeke
* You own a bakakuk tambah....- Dulu... lama sudah... tapi uda jual... nda tau mana uda tu...

* You are a Sabahan if u say and understand these words....
1) tuuuna/ saaaana - points with the lips - (there-- at a
distance)- macam sannaaaaa ranau... uiks buli tau trus bah tempat tu...
2) limpas (to pass/walk by - Maaf, saya limpas dulu? Excuse
me, can I passby? - Sia limpas dulu kio... ekekekeke
3) palui (stupid, duh! ) - jarang sia pakai ni ayat... paling² sia pakai badukang!
4. tapuk (to hide ) - kiut bah ni ayat nie...
5. bida (ugly) - itulah aat yang paling sesuai untuk menggambarkan sesuatu yang kurang cantik... BIDA' oh!
6) bubut (as in proper malay- "kejar", to chase) - sempena nama burung bubut... napa tu burung kana panggil burung bubut... membubut kali...
7) sakai (ignorant, uncivilized, "hoosier") - Kebiasaan tu...
8) andang-andang (that's how it is) 0 Kebiasaan juga bah nie...
9) sapak (kasi campur/gaul -- utk masakan- or mix as in
cooking) - never heard of dis word... sipak adalah...
10) inda/tia (short form of "tidak" - not, no) - buat apa mo tulis panjang-panjang? membazir ayat ja...
11) wicin (another brand of msg as in "aji-no-moto" - a
seasoning or food enhancer) - VISIN tu kalau sana rumah...
12) talampau (proper malay - "terlampau"- too much) - smart bah... itulah unik
13) takajut (proper malay - "terkejut" - shocked, startled) - Jarang sia pakai, selalu kotigog!
14) siorang (proper malay -"kami"/ "saya - orang" - us, we) - ayat kebiasaan siorang bah nie. Jarang sia pakai kalau tulis... besa becakap jak...
15) ngam-ngam (proper malay "kebetulan" - exact, at that
time) - kasih ngam-ngam tu duit ah...
16) mangkali (proper malay "barangkali" - maybe, perhaps) - sia kalu pakai ngkali.. ilang tu ma ahaks...
17) kamarin (proper malay "kelmarin" - yesterday - ntah kenapa sia suka bahasa Sabah... Unik bah...

ahaks... still teda idea apa yang sia mo tulis... So sia buat research sindri. Ada juga "pinjam" dari site atau buku but mostly i do it myself... ahaks... Here its goes....

Kamurang pernah kah bersms dari malam sampai pagi. kadang kadang dari pukul 9mlm sampai pukul 4 pagi. Mustahil juga kamu nda mengantuk kan begitu lama. Sia terus-terang cakap yang sia salalu macam tu. I mean sms sampai pagi. Sometime kita bleh tau kalau derang mengantuk kah tidak. NO OFFENCE TO sumandak & yan. Derang nie jarang sia tinguk mengamalkan sindrom di bawah nie.

By the way ni bukan kajian pakar ah. Sia buat-buat saja yang len. Ada yang sia rasa betul, coz sia experience jugak selalu, so apa kata kamu tinguk... ekekekeke

TANDA-TANDA URANG MENGANTUK TIME MEN SMS...
1. AYAT YANG DIA TAIP TIDAK MENENTU SUDAH
- bah kalau uda mengantuk, dia nda tau uda ayat dia lintang pukang kah, apa. Ngantuk lah tu
2. BALIK-BALIK DIA ULANG SATU AYAT.
- ngantuk lah tu
3. KITA SMS PANJANG DIA JAWAP SATU HURUF JA.
- sms bagai nak rak, dia jawap "k"! Ngantuk lah tu
4. LAIN YANG KITA TANYA LAIN DIA JAWAP
- Paling ketara. kita tanya ayam melencong pigi labi-labi. Kalau itik okay sikit dekat... komfom ngantuk!
5. SLALU SALAH EJAAN
- kalau salah tepinda tpt or hurup dalam satu numbur nda apa, ni ija ayam, AYAS... apa nda pandai temiss pisit numbur... Ngantuk Ni...
6. PANDAI LAMBAT REPLY
- Bukan ngantuk lagi, tertidur skijap... dei...
7. KALAU DIA DENGAR RADIO OR TINGUK TV, BALIK-BALIK DIA CAKAP SIOK NI LAGU, PADAHAL TOPIC BUKAN PASAL LAGU.
- siok kita crita pasal perang, tiba-tiba sms masuk "On ko radio stesen ***.**. Ada lagu si anu, siuk! Dei ngantuk ko nie...
8. "SAYA PENING OH" - AYAT DIA
- Mungkin betul, mungkin tidak... pening tlampau sms kali. Ngantuk dia tu...
9. 2 KALI TANYA SATU SUALAN YANG SAMA DALAM MASA 1 JAM SETENGAH
- pukul 9 malam, tanya "ko uda makan?" jam 10.30 tanya lagi "ko sudah makan?" Sah ngantuk!
10. TERUS TERANG CAKAP, "BAH MARI TIDUR...!"
- Ini okay... trus terang... ekekekeke. Mimang dia ngantuk!

Dui... kamarin bah... punya lah men tensen bila sia ingat balik... Gini. Pagi tu sia ada urusan di suatu tempat. Then bila uda tengahari, sia balik donggongon untuk mo online kunu. Tepaksa online di CC sal di rumah mimang dari dulu teda tenet. Ahaks... Sebelum sia pi online, sia pigi singgah tempat aunty sia sekejap. Kami crita² lah skijap. then sia mo jalan sudah, dia turs tanya. "Ko tidak mo bili numbur?" Trus sia teingat... Wah ada spesel draw di Sport TOTO. Tapi sia teda mood mo beli numbur kemarin, so sia cakap tidak lah. Sia slalu beli number hp sia **** sama ni numbur aunty sia 5880. Trus sia pigi online, buat macam besa. Petang tu, sebelum sia jumpa si kidit, satu member call, minta tulung beli numbur. "Mark, tulung dulu sia bili numbur, kalau ko sempat lah. Buli jugak ko bili numbur fevret ko kalau ko bulum bili" bilang member sia. Sia tinguk tu barisan, Tuuukkkk Panjang! Mada oku berbaris panjang, jadi sia bagi tau kawan sia tidak dapat lah.
Bila sia pulang rumah, boliau (datuk) sia tanya sa ada beli numbur kah. Sal dia slalu kirim sama sia untuk beli numbur bah. Cakap teda lah. Hey, kenapa satu ari ni urang cakap pasal numbur jak sama sia... Akculi yang last wednesday sia ada beli bah, almost RM10 sia abis bikin beli numbur. Sikit jak, tapi sia rasa banyak. Satu pun teda... so sia kira mo stop dulu beli.

Malam tu, aunty sia telefon. Trus lagi dia cakap nie, "Mark, blanja aunty minum bisuk" Adeh... takajut kaka ginawo sia... kanapa pula tiba² mo blanja dia minum nie? Poket pun kering. "Brapa tikit ko bili" bilang aunty sia lagi... "Budu, nanti aunty call ko balik" Uiks sia mada beli numbur sia bilang. Then kawan sia yang minta tulung beli numbur nie sms, "Mark, Brapa tiket? buli pi aramai ti kah nie mlm"? Uiks... Apa nie... Tambah sia tuyu-tuyu nie... Bila aunty sia call kali kedua, dia kasi tau yang itu numbur dia 5880 kluar 3rd Prize. Dia beli cuma satu tiket jak. Adeh... Bisuk dia (Ni ari) tinguk newspaper... Adeh....

ADEEEHHHHHH Apakah malang nasib ku... kenapa sia nda pigi beli jak, time aunty sia cakap... Kerana malas mo baris panjang sia nda tulung kawan sia beli numbur... Adehhh... Kenapa WHY??? Ish... Dulik lah tu.... Ahaks...

Ni ari sia try ma bili.. kalau ada mood...ahaks...

Sia bored bah nie... so teda dii update untuk masa ini... ahaks... nanti sia akan update untuk kamulah... sementara waktu... ejoylah pic ini... jan mara...

Sebanarnya teda idea apa daa mo tulis... tiba-tiba dapat idea nie bila sia antar sms sama kawan sia, trus dia pun mereply sms sia. Macam teda stori jak kan...

Sa sms kawan sia mo tanya dia jadi turun kah tidak ari anam ni. Mo kol, tidak lai cukup kridit. Semalam abis bikin telepon kawan yang pakai line kl. Nda payah sia cakap siapa, nanti dia bilang sia berkira lagi. Udalah teda kridit. Nasiblah... ekekeke TQ YAN)... So sia sms dia dekat abis bah 1st part sms (SMS besa 1 part ada 165 character)... Sekali dia reply punya lah koinggorit. "OK" itu jak dia reply. Dua urup tu saja. adeh... bukan jugak marah bah nga or bukan juga sia mo suruh dia reply panjang-panjang, tapi dei udalah Telco-Provider kami berlainan, dia reply dua urup jak , uda kana caj RM0.15 (dia punya sa rasa RM0.20)... ahaks... Begitulah sms yang slalu sia trima dari kawan. ko tulis bagai nak rak, macam mo sakit uda jari ko, dia reply "Ba"! itu jak... Ahaks...

Kalau telepon, ekekekeke... skrg okay udalah... dulu lah time TMTouch Blum merge sama Celcom. Masa tu TMTouch, kalau nda silap ada dua line juga, TMTouch and InTM. Yang TMTouch tu lah yang bikin irritate sikit tu... Besa TMTouch, kalau abis kridit or tempoh mimang kana cut, tidak bleh call out... tapi masih buli tu 3 Seconds call. Adeh... Imagine lah derang balik-balik kol mo kasi cerita something smpi bitri derang abis... dui...

Itulah crita pasal telepon yang sia ingat... Sia tuyu-tuyu bah nie sekarang!

Hallo... akculi teda apa yang sia mo update tapi sia mo reles nie benda yang btul² buat sia panas gila. Nasib nda tebakar. Sia kunu² bangun awal pagi mo pigi pick-up some money bah. Money From our online bisnes. Arrived at Kota Kinabalu Post Office at around 9:30am. Pigilah kunu ambil numbur giliran sana counter. skali tinguk sia dapat numbur 61. Tuukkk punya jauh... skali sia tinguk sana kaunter tpt ambil duit, tuukkk baru numbur 5 dia proses. Dei. kalau sia tunggu ada dalam 56 urang lai. Tuukkk. So sia kasi tau sia punya bos (partner). Kalau sudah penuh sana pos opis, misti sana bank (nama bank dirahsiahkan) pun penuh. So kami pigi sana branch dia di Inanam. Sampai sana nda juga banyak urang. (Arrived at around 10 something) Trus pi ambil numbur (lagi) dapat lah numbur 16. Tapi kaunter untuk urusan tu blum buka... Damm!
Then kami pigi minum dulu... after minum masuk balik dalam tu bank, tanya tu customer len dia bilang numbur 15 uda... after tu numbur 15 selesai, sampailah turn sia. Aroung 12:20. Lama jugalah tunggu... Derang urus². Trus suruh sain di sana debit boucar. Oh dapat sudah nie sia bilang daa... Satu kali supervisor derang datang trus cakap, "Kami nda buli kasi buat ni payment sebab nama kamu tidak full kana tulis. Tidak macam di IC". What The F***! punyalah men lama sia tunggu, trus punya simple dia cakap yang tidak buli. Then sia bagi tau yang dia punya main branch di KK buli pula, kanapa disini tidak buli? Trus punya selamba dia cakap, dia bilang pigilah sana Main Branch kami! Trus sia jawap "kalau sana tidak penuh buat apa sia pigi sini?" Imaginelah 2 hours of waiting trus simple jak dia jawap tidak buli. Sedangkan selama ni sia ambil, tu customer tidak tulis full name pun buli jugak sia receive di sana Pos Ofis or Main Branch dia. Even di Bangsar, KL pun tidak juga begitu fussy. Adakah patut dia suruh lagi tu customer re-send balik tu duit dengan kasih full name. Kalau dalam negara ASEAN, tidak apa juga... ini di UK bah. Ditambah lagi payment ni kali urgent! Sia punyalah panas, cakap TQ trus kluar.
Then sia teringat ada satulai mini branch di KK then sia sajes ma bos untuk pigi sana, luckily dia mo pigi. Sampai sana, sia submit seperti besa... bila dia tanya supervisor dia, buli pula... Yang penting itu Tracking Number betul. Dei.

Sia pun tidak tau apa yang tu branch bank pikir. Main Branch buli buat gitu, derang pula. Sa tidak buli kasih salah terus tu Customer sebab, kalau di sana, derang besa tulis first name sama surname jak. Buat hapa mo tulis panjang². Wasting time jak. Laipun, first name sama second name sudah betul. Mo lagi middle name kah. Brapa saja kebarangkalian yang first name and second name buli sama dalam Malaysia nie??? Nasib dia nda suruh pigi bangsar... kalau nda mimang sia mengamuk tu satu bank tu. Mau saja sia balik sana tadi, trus kasih tinguk dia pick-up yang sia buat dari bank yang sama cuma berlainan branch. Suruh jak dia makan tu prove tu... A*****E!!!