KaDuSViLLe

Mana sia mo start? Okay... Lately, tentu kamurang notice yang sia lama nda update ni blog sia... what to do. BZ 4 Ur information, ni kalilah sia terasa macam mana terlibat secara terus dalam penganjuran konsert. Yess i am one of the committe for Nikki n Felix Concert. Mo cakap stress, mimang stress gila lah. Blum sia pernah rasa stress yang begini. Sampaikan banyak kerja len pun sia terpaksa kasih tunda. Bah what to do jugak kan. Sekarang ni taim kaamatan. So of coz di kampung pun ada kaamatan. Tapi kaamatan kami tertinggal bas bah. Bulan anam. Ada juga kerja sia di kampung. Sia Pengerusi Sugandoi. Sia nda buli ikut uda.. so derang kasi naik sia jadi chairman. Apa buli buatlah. Ikut ja arahan urang atasan. Tapi yang paling penting sia mo kasih naik bah ni muzik Kadus. Itu ja tujuan utama sia. Bah kamurang yang tinggal diarea² kg sia, datanglah kaamatan kami. Pada 11hb Jun 2006 di balai raya (sekarang ada cafe) kg babah bunduon!

A very big thanks sama si ganda, dia sanggup tulung sia koreograp tu dance grup sia. Then kepada Si sumandak yang sponser kek sama tu budak² kemarin. Eh... nantilah sia sambung nie...