Antara VClip yang paling seksi sia nampak... Kiut!!

Twenty-five-year-old Mark Mojitoh learnt to speak his mother tongue by singing Jestie Alexius’ hit song, Kosorou Kopo Nangku Doho (Do You Still Remember Me).

“My Kadazandusun was not good. In 1999 when I heard Jestie’s song, I liked it as it had a powerful melody and touching and meaningful lyrics,” explains the Penampang boy.

Curious about the meaning of the lyrics in Kosorou Kopo Nangku Doho, Mojitoh asked his parents and friends to explain the Kadazandusun words that he did not understand. Within two years, he expanded his vocabulary by listening to other Kadazandusun songs and speaking to his elders.

“The Kadazandusun culture is in me. I can’t run away from it. In the 1980s my father, Christopher, sang Kadazandusun songs on RTM’s radio station and my mother, Veronica, was Miss Harvest Festival 1978,” says the freelance computer technician.

Interestingly, he adds that his father’s songs are back on the airwaves.

In June 2005, his interest in the Kadazandusun songs led him to start a website, kadusmusic.tambalut.com, to promote his community’s music.

“My generation of Kadazandusun youths are only interested in songs by Eminem and Linkin Park. That is okay but they should not forget about their own songs,” he explains. “But for most of them, Kadazandusun music is old stuff from the past.”

Mojitoh, who spends two to three hours a day on his website, listens to Aerosmith, his favourite band, and Bon Jovi too. But these musicians, he says, are beyond his reach.

”I don’t think I will ever meet Jon Bon Jovi but I’m able to meet in the flesh the Kadazandusun singers. I’m able to interview them and write about them on my website,” says Mojitoh who is a fan of local heroes Aldro John Gaisah and Danny F. Malanggi.

Mojitoh is now moving beyond being just a fan – he is managing new Kadazandusun artists – Ally Gairus and Donna Cyhnthia.

KaDuS Bilang:
Macam kenal. ni ah hasil yang sia kana interview oleh topbinai Philip Golingai dari The Star newspaper! Its good juga, kunu-kunu dapat juga kasi introdius ni music kadus sama smua urang di Malaysia. although sia pinya part kici ja, tapi sia puas ati juga lah... wekekekekeke

Link untuk ni story, selain kluar di The Star Online, sama Kadusmusic.com, dia kluar juga di:
-http://allmalaysia.info/news/story.asp?file=/2006/3/26/state/13687840&sec=mi_sabah
-www.theramonitor.com/Lic-to-Lio/linkin_park.php

kamurang pernah pigi tanya budak-budak zaman sekarang apa permainan kegemaran derang sekarang? or pernah kah kamu nampak budak-budak main-main? ehe. sia teingat masa sia tanya ni saturang budak di kampung dia mo pigi mana. dia jawap pigi sana ruma si John, pigi main PS. ada lai yang sia tanya budak apa hobi masa lapang ko, dia cakap men Counter Strike. aduh. moden sudah bah katakan. budak-budak sekarang mimang pintar. cepat btul utak derang tangkap benda baru. masa sia masi study di Cosmopoint dulu, sia pigi lah CC di sana Api-Api Center. saja surfing, masa tu sia masi gila IRC lai. akculi teraddict balik bah. so sia pigi sana counter pigi kasitau pc numbur berapa yang sia mo guna. bila sia baru mula mo kasi selesa buntut sia yang nda seberapa nie, datang lah 3 kah 4 budak tu. sia agak umur derang ni dalam 9-11 tahun begitulah. derang pigi guna komputer, masing-masing 1 pc. sia pikir mo surf internet kah apa. sekali tinguk men Counter Strike. terrer lai smua tu. derang pinya tangan mo tekan tu keyboard pinya lah men laju. sia ni time tu mimang nda tau apa-apa pasal CS ni. "tratak-tratak" ja bunyi derang tekan tu keyboard. sia difahamkan selain untuk bergerak dan menimbak, derang guna tu untuk tukar weapon. so fast! sia pigi cubalah kunu men sama kawan sia bisuk dia. kawan sia mimang terrer men lah. pinyalah truk sia men. udalah tangan lambat menukar weapon, lambat lai pergerakan. ada satu yang paling bikin kasi malu, baru sia mo tukar weapon pigi mesin-gun, sudah sia kana bunuh. kalau kana timbak pakai sniper, nda pa lah juga. ni kana tabak pakai pisau ja. adeh... i wish, time sia umur macam tu budak-budak tadi, ada daa game macam nie...

kalau sia ingat balik masa sia kicil dulu, teda gia game macam ni. mimang kamurang buli guest apa game kami kalau dulu masa kicil. sia masa kici paling sia suka men lastik. walaupun sia nda terer melastik, tapi nda sah kalau sia jalan-jalan di kampung tidak pigang lastik. macam-macam lah sia lastik. tapi sia nda perna lastik rumah or krita urang, or even orang. ahaks! tapi bila sampai musim sosopuk, sia pun ikut men sosopuk. sosopuk diperbuat daripada bambu dan bentuk dia macam pom bula yang lurus tu. ko taru kertas basah di ujung dan tekan dari belakang. ekekeke... apa lai men perang-perang lah. kalau bukan sosopuk, men lastik tapi pakai gatah sayur. peluru dia tu kertas yang kana lipat banyak kali. sakit oooo kalau kana. ahaks. men guli! sepa yang nda pernah men guli? sia suka juga ni. kalau mo cakap terer, buli lah tahan. adalah beberapa istilah yang sia masih ingat dari men guli ni. ada santuk, par dakat, par jauh dan banyak lagi (sudah lupa). trus yang best dia lagi, yang men betting guli ni. pernah satu kali time di skula rendah, sia pinya poket penuh dengan guli. kiri kanan. wakakakaka. pentaque tu men guli moden kah?
men biji gatah! ekekeke... ni pun best juga nie. sanggup tu kana gigit nyamuk tu mo cari biji gatah dalam utan. kanapa lah kana sangkut tu kaki duri, selagi tidak penuh satu plastik biji gatah, selagi tu tidak mo balik. apamacam mo main? dei, men kasih pecah bah. ko pinya biji gatah di atas, kawan ko pinya di bawah. then ko pukul lah di atas. besanya yang di bawah tu misti pica n komfoom ko manang. tapi ada suatu ketika dimana ko pinya biji gata yang pica or dua-dua pica. kalau kawan ko pinya nda pica, maka ada second round. ada syarat juga. mo kana decide mana bahagian mo pakai either "badan" or "tulang". kunu tulang tu kuatlah! ni gem akan berlarutan sampailah abis biji gatah ko. tapi ada juga budak jajal pigi kasi masuk lilin. tidak cukup dengan tu, dia pigi cari yang sudah tumbuh pucuk. gara-gara mo men buyuk lah bah tu. tapi ada yang jajal pintar tapi tebudu pula pigi kasi masuk simin. macam lah urang nda tau berat biji gatah. nanti sia update lai game kami kici-kici ni on my next post.

apa yang sia cuba mo cakap sini, kebanyakan budak-budak zaman sekarang ni, derang pinya game kebanyakan indoor. yalah PC, PS dan sebagainya. thats explen kenapa budak-budak sekarang ni kebanyakan juga yang putih, nda macam siorang ni. kalau dibandingkan mimang sekarang ni enjoy lah. tapi sia rasa kami dulu pun best bah. walaupun dulu teda pc, tapi kami enjoy juga dengan apa yang kami main. di kampung sia, kurang uda yang men apa yang kami men di atas (dan beberapa lai yang sa akan update nanti). ada juga yang tinggal lah, maksud sia masi ada budak-budak yang main ni permainan, macam men guli. biji gatah kurang uda la. sosopuk? dei, kana bubut ko urang tua pakai kayu. bikin panggil busau tu sosopuk derang bilang. kalau kana dapat, tatap kana rutan. ahaks... tapi mimang siok lah game dulu, although sia pun men game pc sekarang. Ahaks... Until My Next Post!

KaDuS Bilang:
Sia dapat idea mo buat nie post ni, tym sia lunch sama si sumandak sama si Gracy(kawan si sumandak) kemarin. tah apa suda yang kami cerita sampai keluar ni topic nie. ahaks... macam sia cakap yang kamu tidak pernah men biji gatah sia bilang, trus dia cakap ko pikir sia nda pernah main kah tu? ahaks... trus sia teringat time sia kici-kici. indahnya dunia... wakakakaka

adei.. nda tau macam mana sia mo mula. sikarang sia lapar, sia sakit, sia bingung. sia nda tau apa-apa. teda yang tanya, dulilah... ni urang disebelah sia pun dia pinya fon balik-balik bunyi da pinya mesej. "Iya in song makakaji ada mesej!" adeh... boring sia dangar. sia kana telepon oleh kawan sia, dia tanya lagu dia sudah siap kah belum. gosh, sia totally forget about the song. nantilah. dia pun belum mula proses pemilihan lagu pun. masi tunggu budget dia bilang. ahaks...

tah lah sejak akhir-akhir ni sia slalu koloboi. demam mangkali. bukan demam apa, demam bula ni. adeh. kemarin ada ni saturang pigi kasitau sia yang si Rich terkeluar. sia jawap "ohh... yaka?" dia tekejut. dia bilang sia nda macam las yer. kalau las yer, sampai buring urang tu sia cerita. sekarang macam nda minat lansung. sia bukan nda minat bah. tapi sia pinya konsentrasi terbagi bah sikarang. sia lebih suka dengan world cup more than AF. bukan sia nda mo sukung urang sindri. tapi well, since las yer, yang macam sumting fishy pinya keputusan, sia macam tawar ati uda mo ikut. dulilah... sia pray yang Velvet sama Lotter do well lah... i'll meet u nanti...

hmm... sia pun tidak tau apa lai mo tulis... i miss her... macam yang bertahun tidak jumpa. dei, sabaron pendeh... sia men-men pakai keyboard lagu si topbinai Jason Jack Bullah - Id Kaandaman (or kahandaman). Siuk ni lagu. i hope lagu ni akan menjadi kesukaan ramai jugalah in da future. Happy to work together with you!

P/S: Dear, nda juga sia jajal. nda juga sia pigi men krita di bukit tu... ahaks

Blog: Kebaikan dan Keburukan

sebenarnya sia nda tau bah apa yang mo ditulis sini ni. kadang² buli bikin blur jugak lah. sia ni men antam jak menulis. infact dari dulu lai since sia ada blog, mimang sia begini, tidak tau apa yang mo ditulis melainkan sia mimang uda prepare. kalau dulu, sia ada macam satu notebook, tempat sia menulis segala-galanya. sekarang ni moden sudah kaka. dimana-mana ja buli tulis. di komputer, handpon, pda dan sekarang di tenet. macam online diary pla. dulu takut kunu bila kana baca dia pinya diary, tapi sekarang men invite lai urang pigi baca. tapi kalau di tenet besanya yang kana tulis tu bukan lah sensitif sangat. kebanyakan pun pasal daily life, thoughts and everything. tidak lah dia tulis macam nie "semalam sia berkissing sama boyfren sia." wakakakaka. kes naya juga tu.

ada juga urang guna blog ni untuk mo promote produk, service or apa ja yang dia buli promote. which is a very good marketing strategies, for those yang buat ni untuk biznes. ada juga artist yang guna blog untuk promote hasil seni dia. blog is a new kind of promoting matter since dia accessable (macam mana mo spell ni, tapi macam suda ada kan) dari mana-mana saja. even urang guna hanpon pun buli xs dari fon dia, given tu blog provider ada kasi tu service. wei a gud idea actually. just imagine yang kita ble xs kita pinya blog dengan hanya guna hanfon! tidak payah pigi login pigi tenet lai. cool. (Blogspot, u ppl should consider this!) ada juga urang yang buat blog untuk promote komuniti dia. this is gud akculi, since kita nda buli depend sama goverment untuk buat semua nie. secara nda lansung kita buli bantu mempromosikan ni budaya kita. ni bukan menggalakkan perkauman. lucily di Malaysia, tidak lah ada sia dengar ada bentuk perkauman. kalau ada pun mungkin jumlah dia nda lah banyak.

satu kelebihan blog ni, ppl bleh komen apa yang si poster tulis. say kalau ada artist yang try promote product dia tru blog, ppl or dia pinya fans buli bagi komen, apa yang dia pikir tentang produk tu artist. this is gud juga sebab, kalau mo harap tu artist always turun padang untuk jumpa peminat, nda juga buli sebab mana tau tu artis ada komitmen len yang lebih penting? bukan sia cakap fans tu nda penting ah... kalau yang guna blog untuk meluahkan rasa hati dia or maybe sebarang masalah dia, urang yang bagi komen tu mungkin buli membantu, atleast maybe membaca and bagi pandangan dia. sekurang-kurangnya tu penulis blog tau yang bukan dia sama masalah dia saja yang ada dalam dunia ni. ramai lai urang.

macam mana hebat blog sekali pun, ada juga urang yang suka menyalagunakan ni blog. yalah, tenet kan. teda sepa yang care (maybe) tentang apa yang dia buat. ada urang guna blog untuk menghentam seseorang. dia post lah sumting yang buli jatuhkan tu urang. kadang-kadang dia akan tulis fitnah, hasutan untuk kasi kena orang len. sia nda tau kalau fitnah melalui tenet ni termaktub dalam undang-undang siber Malaysia kah tidak. kalau ko fitnah urang di luar, or what we called "black-mail" mimang kana saman juta-juta. Ahaks... slama sia mengonline kan diri ni, ada jugalah yang sia terjumpa blog yang macam nie. dedicate untuk fitnah, hasut, kasi buruk urang. but jumlah dia kecil ja lah. tapi bukan penulis blog ja yang kasi salah guna ni blog nie. kadang-kadang pembaca pun pandai juga menyalagunakan ni blog. derang besanyanya pigi tulis di komen, hentam tu penulis blog pula. kalau dia hentam besa, tidak apa juga kali. tapi ni dengan maki yang... adeh.. no komen lah. benda ni yang sia slalu jumpa. mo trace? bukan senang. tapi kalau ada hacker yang hebat di sini Malaysia nie, sia rasa within 1 hour mimang buli tau uda sepa culprits dia tu.

okaylah. panjang uda juga sia tulis. boring juga kamu baca ni nanti. apa yang sia mo cuba cakap disini, majoriti blog yang sia jumpa ialah blog yang memberi inormasi berguna kepada smua urang. bukan semua blog yang mengajar kearah yang tidak bagus. infact sia belum lai jumpa blog yang ajar urang buat keja yang tidak berfaedah, kecuali satu dulu. dia ajar urang menagih dadah. but i think blog tu uda kana banned juga kali. pembaca blog pun bukan semuanya tau cakap kutur, hentam and watever. kebanyakan pembaca ni mimang ada atleast pendidikan asas, and dalam pendidikan asas tu misti dia kana ajar etika jugak. sia agree yang tenet is a free site, where ppl can owez talk almost everything yang dia suka without urang ble halang. tapi wat if dia yang kena cakap macam tu, kena hentam or watever, apa dia rasa? oren? ahaks...

conclusion dia, takde maknenyer... blog ni sekadar informasi, promoting tools yang free, dan mudah untuk digunakan. so gunakan dengan bijak. sekian dan trima kasih

KaDuS Bilang:
Dei, macam sia rasa mengarang untuk kertas dua Bahasa Melayu form 5 oh. tajuk dia, kebaikan dan keburukan Blog. Wakakakakak... kalau macam ni lah cara sia tulis, adeh kompom pangkat 9 or sia pinya BM. Apapun ni sebagai hiburan dikala duka saja. Wakakaka... sebenarnya sia cuma mo tulis ini saja bah "sebenarnya sia nda tau bah apa yang mo ditulis sini ni. kadang² buli bikin blur jugak lah. sia ni men antam jak menulis. infact dari dulu lai since sia ada blog, mimang sia begini, tidak tau apa yang mo ditulis melainkan sia mimang uda prepare.". tapi ntah macam mana buli dapat idea untuk tulis yang len pasal blog. Wakakakakaka... Bah ciao!!!

What a weekend. Sia tidak pandai describe lai. A very bloody bz pinya eekend. Kunu-kunu Kaamatan di Kg sia kemarin. Macam yang sia uda crita before, sia mengurus semua persembahan pentas including koir, selingan dan sugandoi. SUGANDOI yang buat sia pening! Kalau diikutkan, semua sugandoi ni berjalan dengan lancar, cuma ada minor hiccup lah sikit. Kalau diikutkan, seprti yang derang (AJK Induk) mo, buat sedang-sedang saja tu Sugandoi. Peringkat kampung saja, apalah saja, according to them. But sia pnya nature, sia nda suka buat benda ala kadar. Memandangkan ni first benda sia buat di kg, i wanna make a very good impression sama yang senior-senior tu. Adeh... Went smooth, given yang sia dengan kawan sia saturang ja yang fully bergerak (Glenn Michael), sebab yang AJK lain ada yang bz, ada yang ikut nyanyi, ada yang ikut unduks.

Panas juga, kemrin. Mandi peluh sia. Udalah pakai baju Buludu. Pakai buka jak sia kemarin tu. Tah kenapa matahari tlampau panas kemarin. Koirlah acara permulaan. Sebelum tu Ucapan dari YB Don (Donald Mojuntin) sama YB Philip Lasimbang. Suda tu Piboian Hiing (Lihing), Hinava (Kadazandusun version of sushi) and Pinasakan (sup ikan) Tavasi! Tapi ndada chan sia merasa. Adeh.
Then sia pinya sugandoi menyusul. Judges sia buli dikatakan klas. Sia menampilkan penyanyi veteren, penyanyi baru and producer RTM. Dadi sia (Veteren), Esther Appolonius (baru) Minami Andiuni (Produser RTM). So mimang class lah sugandoi nie. Skor pengadilan pun sia pakai sugandoi peringkat negeri pinya. Okay lah smua. Wakakak... Ada sia nyanyi, ada jugak lah... Walaupun sia nda "fit" kalau nyanyi kemarin, sal masi paning lai. Tapi dapat juga sia bawa lagu yang agak mencabar bagi sia... Rati Piisaan. Siuk ni lagu. Kena btul sia bawa time kaamatan. Mimang first time sia bawa lagu nie... For the first time juga sia men keyboard untuk juara sugandoi. Nda pernah ni men keyboard di khalayak ramai. Mimang sia nda pandai men bah. Pandai men chord jak, tapi kalau solo, mimang sia nda pandai. Chord pakai tangan kiri n solo pakai tangan kanan.

Hmmm... semalam sia tlampau penat, balik jam 8 uda. sia x terpigi Dinner with FAF pinya member. lambat uda gogds ada offer mo pigi ambil, tapi sia yang bilang tidak payah. Sebab jam lapan uda tu. lambat uda... wekekekekeke...

Sekarang sia masi bingung. for ur all pinya information, sia blum dapat rest yang betul² pinya rest sejak 1st May 2006. Sia nda tau bila sia buli dapat rest ni. masi banyak yang sia pikir. masi banyak yang mo di buat. masi paning... harap dapatlah rest skjp. Sia dapat tidur di rumah satu ari pun sia bersyukur uda... Bah babai

Hah! Sia ingat sia buli rest uda kunu after kaamatan. Tinguk-tinguk, dei masi juga bz. Tapi nda lah sebz dulu lah. Hmmm, apa sia mo buat? Kemarin sia pigi tempat si Boni Mosios, pigi tulung-tulung derang packed itu CD. Boring bah sia di rumah kemarin. Sebelum pigi sana sia Ada kerja part time yang sia buat. Kalau diikut lai kemarin is sia pinya Classmate (ex) punya wedding. Nama dia si Carol Mijol. Sia nda dapat hadir, sebab sia tlampau sibuk ni. Carol!!!, Siou... Sia betul-betul minta sori. Sepatutnya juga ada Sukan sempena kaamatan di kampung kemarin. Smua nda dapat attend. Dui

Today, sepatutnya sia kena bawa oleh derang c Ronald mo pigi sana timpoluon, Babagon. Ada kaamatan kunu situ, Dei... Sekali, awal pagi kana suru turun pigi kampung, ada emergency. Nda payah sia cakap apalah. Then tidak sempat inform derang. Dui...

Next Few days, Sia punya sugandoi mo urus. Sia dengan hepinya memasukkan semua 12 peserta pigi Final. Ahaks.. Bestnya! And, sia kena start kasi buat full reharsel lah nie. Benci sia oh. Tapi urang sudah suru, buat saja lah. Lagi pun mimang keminatan sia. And thats explain kenapa sia jarang dapat online uda! Final dia 11 orang! dari umur 10 tahun sampai lah ke 47 tahun! Yeah...

Okay, sekarang sia sedang sibuk memainkan diri dengan lagu si tampasak (Jason) Id Kahandaman. Sia teda copy tu lagu but sia ada dengar dulu. Sia cuba ingat balik ja dia punya melody. Pakai keyboard. Ni lagu memang best dari segi melody dia... Congrats Bro, for coming up with this brilliant song. Will be eargly Await ur next song! Ahaks...
Time kaamatan di kampung of coz lah ada juga mo pok silap mo menyanyi. Sia pun... Wekekekeke. Kalau dulu time kaamatan di kampung, dua lagu saja yang "wajip" sia mo nyanyi. Lagu bapa sia (Kada Pinsinduo, Kada Poninduo) or lagu Jestie Alexius (Kosorou Koh Poh Nangku Doho). Tapi ni kali sia mo buat kelainan. Sia mo nyanyi Lagu baru! Yeah. Lagu Freddy Komeng, Tambalut Kalangadan. Sebenarnya sia nda slalu dengar lagu nie, tapi sia mo try juga bawa. Kalau nda lagu Ateng, Norubat Piginawaan. Yeah!!! Urang dikampung sebenarnya agak asing dengan lagu si Freddy ni bah, tapi bila derang dengar derang mimang suka tu lagu. (Melody jak bukan Vokal). Wish me luck!

Oh yah, before sia ilang lagi, sia mo wish Congrats sama tampasak a.k.a. Jason JB sebab dapat keja jadi Lecturer di Unitar! You Deserved it Bro!
Next, To sumandak, yang akan mula practikal di sana Audit firm di KK (tidak ingat nama), All The best Dear!
Trus sama si Yan, Siou, Sia terlalu bz skrg ni. Line DG pun nda menentu. Ko faham juga bah kan.
And to All KE Member, Jaga kamurang, i'll be back!!! Yeah!!!

Ciao!!!

Dei... Bulan anam uda. nda sadar. Penat gila sia dari 29hb May til last nite 31th May. Akculi, sia mula sibuk dari 1hb Mei lai bah. Ahaks. Sampailah sekarang. Harap nda sudah berapa (Although masi ada wedding and kaamatan) yang sia kena attend. Dui.
30 & 31, sia spend di KDCA with sumandak and Jason. Sampai malam (except for Jason). Gosh, yang 30th panas betul. Matahari dia btul-btul gila memancar... adei. Tapi dapat juga round-round lah. Tapi bila 31, mula-mula panas, sekali ujan. Lebat lai tu. Ada satu masa tepaksa kami stay di Khemah facing tu main stage diluar for about 2 hrs. Kami mo juga jalan-jalan (sia lebih prefer jalan-jalan dari berdiri) tapi tulah ujan. si sumandak inda mo bejalan kalau ujan kunu... wekekekeke... Itu yang 31 of may.

Yang 30th yang best... akhirnya dapat juga sia dengar si Sumandak nyanyi. Pertama dia nyanyi lagu Langadon (by Ben J. Majanau & Betcy Michael of Pusakag 3). Lagu ni lagu duet, so dia nyanyi sama si Jason. Tapi sayang derang tidak dapat kasi abis tu lagu sal teputus karan... dei. Kami pi jalan-jalan lai, then balik. But this time sia pula yang kana suruh. So sia minta derang kasih men lagu Tupus Montok Dika (Denis Gais & Jenillin Jenn of Pusakag 2). Mimang fevret song gia. So sia "paksa" lai si sumandak, duet sama sia. Ahaks... Hmmm... Ramai cakap okay sa nyanyi, tapi sia masi nda konfiden. Misti ada yang flat sikit especially yang low note tu... nga tidak tau sepa yang sia buli tanya time tu. Wekekekeke... Apapun mimang hepi gila sia. Oh Yan for y'all pnya information, semua ni berlaku di booth Pusakag!

Kalau ikut, mimang teda apa-apa yang spesel sana lah. Ni tahun sia nda teminum pun di mana-mana booth, tidak seperti las year. "Kana Curfew" gia. Nga siok juga. Yang 30th pun teminum nga satu tin ja, tu pun courtesy si Jason. TQ tompinai! Nampak juga few of my friends, cousins and ada yang sia kenal taoi lupa nama... wakakakaka... lawak. Although, kalau diikut mimang best, tapi sia masi rasa penat jugak. Tapi tidak apalah... atleast sia dapat enjoy sia pinya hari disana... wekekeke... Sekarang mo concertrate sugandoi di kampung lai... and some few things yang mo kana buat. Adei... Harap selesai smua sebelum mula World Cup!

Bah, nanti sambung!