KaDuSViLLe

tiba tiba sia teringat masa sia tadika gia... dulu sia sikul tadika sana St. Francis Convent. Sia masih ingat lai uniform kami, warna coklet then ada macam neck-tie kici (which is cute). Then di belakang macam rope... sekali tinguk macam popeye gia... tapi sia bukan mo kasi cerita pasal tu uniform or tu skul, tapi kerja gila sia.

Sia pigi skul ikut van. Masa tu van blum lai ada cat bas sekolah. Infact selama sia ljadi student sia belum pernah naik bas yang warna oren tu. Kalau tenaik pun ikut uncle sia (dia driver bas sekolah). Ada ni uncle sama aunty (laki bini ni) di kampung jadi driver kami. Pakai van besa jak bah... Besa kalau abis dari tadika kami pigi beach. sana tanjung aru. Dia kasi mansau lah bah tu. Tapi nda buli pigi mandi... kana mara gia... Jadi kami di sana tembok saja... tinguk pasir.

Di jadikan cerita, sia kana suruh oleh budak tah darjah berapa tu, kasi tembirang kawan sia si Cassidy. Dia bilang kasih tau dia ada ketam sana bawa, then sia panggil lah si Cassidy. "tu katam..." "mana?" bilang c Cassidy... "tu bah... ko tunduk lagi" Si cassidy ni ikut juga... trus sia tulak dia. apa lagi muka duluan gia pigi sium tana. Kesian juga... trus dia nangis gia... Wah... ribut smua tu student... trus tu aunty van pigi pujuk... nda mo berenti... tah tiba-tiba, sia pula yang tenangis... silaka... terpaksa tu aunty cut short kami punya picnic... dei...

Kalau di pikir balik, jajal juga sia nie masa tadika... tu baru brapa umur tu... senang lagi terpengaruh tu... tapi si Cassidy pun pigi juga ikut... tapi apa yang buli di expect dari budak kan... sian... Ekekekekeek

Si cassidy sekarang besar sudah. Gumuk sudah.. sia ja masi slim-river... kwan baik masa tadika, terpisah masa sek. rendah, tesama class semasa sek. menengah. Tu pun 2 tahun jak... ahaks..