KaDuSViLLe

Last week, from 15hb May to 21hb May, kira minggu sia yang paling bikin stress, tensen and buat sia tuyu-tuyu. orang pun ble guess napa. Tapi yang sebenarnya sia happy juga. At least tidak juga sia duduk diam, menunggu panggilan untuk wat freelance job sia yang satu tu. Well, sementara menunggu dapat kerja tetap, sia ada buat freelance job and to tell u the truth mimang susah mo idup dengan keja ni. TidaK semewah dulu. Bah, sabaron nopo do ginawo bilang urang tu.

Sia ada few plan yang sia mo buat dalam masa terdekat nie. Sia harap bulilah jalan. kalau tidak, sia pun inda tau lagi. Kalau teda aral melintang kah membingkuk kah, mimang jalan juga semua tu. wekekekeke... Some of them are...

1. Buat final preparation untuk sia punya sugandoi di kampung.
- Biar pun kaamatan kami bulan 6, tapi sia rasa macam tidak best kalau sia nda buat awal-awal. Since kana bagi kepercayaan untuk kasih jalan ni sugandoi, sia mo buat yang terbaik. Tidak mo alang-alang. Sepa yang pena keja sama sia or with me, mimang tau perangai sia. No such things as alang-alang. Sa paling pantang dengar ni ayat, "Alah, kita buat macam besa ja bah. Di kampung saja, bukan daerah atau negeri pun..." No way jose. Kalau mo suruh sia buat macam begitu, bagus jan buat. Kita buat pertandingan moginum jak...

2. Buat meeting KaDuS Entertainment
- Sebenarnya semua admin KE ada disini uda. Memang sia mo buat meeting lai. Since banyak uda "peluang" yang kami nampak sepanjang bulan 5 nie. Nga, since bulan lima ni belum abis, semua sia tinguk masih BZ dengan aktiviti masing-masing. Apa buli buat. So terpaksa bersabar ja kamurang. I promise, as soon as semua ni selesai, kita akan jumpa untuk meeting!

3. Prepare Orang untuk Rekording
- Ni yang sia paling malas. Ari tu sebenarnya sia uda dapat satu urang penyanyi untuk join kami pi rekording di RTM. Tapi dia buat hal. So sia terpaksa cari penyanyi len and terpaksa buat lagu baru. Kalau satu ja tidak apalah. Ni 2 buah lagu? Dei... Bikin paning. Luckily sia uda jumpa satu penyanyi. Actually she's a new talent under my management. So sia rasa sia kena bagi dia kepercayaan. Kena lai ajar dia cakap kadazan. Adei. Cabaran

4. Prepare lagu untuk diri sindri.
- Pecaya kah tidak, tinggal few weeks lai, sia mo record lagu uda, tapi satu lagu pun belum prepare. Melody uda siaplah, but kalau bilang lirik, dei, masih hangkang. Tapi nda pa. Ada juga yang tulung sia tu nanti. Haraplah...

5. Update Web KE
- Ni yang sia paling lemah.... Walaupun sudah kana agree yang sia as one of the admin, akan buat banyak kerja luar, tapi sia macam berat ati mo kasih biar buss gogds buat saturang. si sumandak although dia buli buat, tapi dia lebih kepada grafik design. Bro Jason pla, dia ada plan dia sindri and dia mengurus apa-apa yang berkaitan dengan legal di KE. So sia kena bantu juga. So sia sedang berfikir untuk tambah bahan dalam web KE. Minta maaf lah sebab dalam bulan lima ni, kami cakap banyak bahan, but kurang juga coz smua admin sibuk dengan either agenda sendiri or bersama (tpi personal tidak masuk ah)

6. Prektis Tahan tidur malam untuk World Cup!
- Ni kira aktiviti yang kurang sihat nie. Sebab tidak mo tidur. Adei, apa buli buat. Ni ja satu-satunya kegilaan sia selain music. Imagine time naik gunung, sia buli sms kazen sia untuk minta tau keputusan game Man. Utd. Bila dia cakap menang, tambah lah semangat sia mo naik. Tapi time mendaki dari Timpohon pigi Laban Rata lah. Mimang susah sia mo idup tanpa bula. Sia pandai mencari berita tu. Sia nda kira tu. Since World Cup ni kali banyak game awal pagi (jam 1am - 4am) makanya sia kena prektis tidak tidur lah.

7. Sign & Manage tu Budak-budak dancer
- Ada yang tau ada yang tidak tau. Sia ada dance group. Tapi sia nda ikut menarila. Lama nda menari bah. Tapi bila sia manage derang untuk menari bersama nikki time konsert tu ari, sia nampak derang ada talent. Besar sekali talent, dan amat sayang kalau sia kasi lepas macam begitu saja. Bincang sama Lead Choreographer derang time tu, Ganda, dia agree untuk tulung manage and ajar ni budak-budak dance move yang baru. Ahaks... So tinguk ja lah perkembangan...

8. my sumandak!
- ekekekekeke... sia pun nda tau apa yang sia patut cakap. nga apa yang pasti is sia mo start a new life. Buka buku baru. Tidak mo pikir yang lama lai. pikir pun bikin sakit ati saja. uda ada depan mata, then take care ma dia betul-betul, bukan mo men-men. kali masi mimpi lai sia rasa. ahaks...

KaDuS Bilang:
Nilah apa yang sia mo buat dalam beberapa minggu akan datang kalau teda aral melingkuk! Haraplah... ahaks... Sebenarnya masih banyak lai bah, nga tidak begitu besar lah. Ada juga yang besar nga nantilah sia cakap. Oh ya, sepa yang ada lagu tapi teda penyanyi, hulurlah... wekekeke... Belum prepare lagu bah... ahaks...